bahrainvartha-official-logo
Search
Close this search box.

അപകടത്തിൽപെട്ട കപ്പലിൽനിന്ന്​ 14 ഇന്ത്യൻ നാവികരെ ദുബായ് പൊലീസ്​ രക്ഷിച്ചു

Container_ship_Reecon_Whale_on_Black_Sea_near_Constanța_Romania

പാറയിലിടിച്ച്​ തകർന്ന കപ്പലിൽനിന്ന്​ 14 ഇന്ത്യൻ നാവികരെ ദുബായ് പൊലീസ്​ രക്ഷിച്ചു. കഴിഞ്ഞ ദിവസം രാവിലെ 6.15 ഓടെയാണ്​ പൊലീസ്​ ഓപ്പറേഷന്‍സ് റൂമിൽ അപകടം സംബന്ധിച്ച വിവരം എത്തിയത്​. ഉടൻ കടൽ, ആകാശ മാ​ർഗങ്ങളിലൂടെ രക്ഷാപ്രവർത്തനം ആരംഭിക്കുകയായിരുന്നു.

അര മണിക്കൂറിലേറെ നീണ്ട രക്ഷാദൗത്യത്തിലൂടെയാണ്​ പൊലീസ്​ നാവികരെ രക്ഷിച്ചത്​. ശക്​തമായ കാറ്റും തിരമാലയും കാരണം ‘ഖദീജ 7’ എന്ന കപ്പലാണ്​ അപകടത്തിൽ പെട്ടത്​. ദേര ഐലൻഡിലെ പാറയിൽ ഇടിച്ചതിനെ തുടർന്ന്​ വെള്ളം  കപ്പലിലേക്ക്​ കയറുകയായിരുന്നു. തുടർന്നാണ്​ കപ്പൽ ജീവനക്കാർ അപകട സന്ദേശമയച്ചത്​.

പൊലീസ്​ ഹെലികോപ്​ടറാണ്​ കപ്പൽ കണ്ടെത്തിയത്​. എന്നാൽ, ഉയരത്തിൽ പൊങ്ങിയ തിരമാല കാരണം രക്ഷാദൗത്യ ബോട്ടുകൾക്ക്​ കപ്പലിന്റെ സമീപം ചെല്ലാൻ സാധിച്ചില്ല. തുടർന്ന്​ കപ്പലിലേക്ക്​ കയർ എറിഞ്ഞുകൊടുത്ത്​ ഓരോരുത്തരെയായി ബോട്ടിൽ എത്തിക്കുകയായിരുന്നു.

 

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!