മനാമ: കടകൾ, റെസ്റ്റോറന്റുകൾ, ബേക്കറികൾ എന്നിവയ്‌ക്കെതിരെ അഗ്നിരക്ഷാ വ്യവസ്ഥകളുമായി ബന്ധപ്പെട്ട 774 നിയമലംഘനങ്ങൾ ജനറൽ ഡയറക്ടറേറ്റ് ഓഫ് സിവിൽ ഡിഫൻസ് രജിസ്റ്റർ ചെയ്തു.
ജീവനും സ്വത്തിനും സംരക്ഷണം നൽകുന്നതിനായി പ്രൊട്ടക്ഷൻ ആൻഡ് സേഫ്റ്റി ഡയറക്ടറേറ്റ് നടത്തിയ പരിശോധനാ പ്രചാരണത്തിനിടെയാണ് ലംഘനങ്ങൾ റിപ്പോർട്ട് ചെയ്തത്.
അഗ്നിശമന ഉപകരണങ്ങളുടെയും പുക കണ്ടെത്തൽ ഉപകരണങ്ങളുടെയും പ്രാധാന്യം, എമർജൻസി ലൈറ്റുകൾ, അലാറം സംവിധാനങ്ങൾ, കടകളിലെ മറ്റ് സുരക്ഷാ ആവശ്യകതകൾ എന്നിവയെക്കുറിച്ച് ഡയറക്ടറേറ്റ് ബഹുഭാഷാ അവബോധ കാമ്പെയ്‌നുകൾ നടത്തി.
സിവിൽ ഡിഫൻസ് അംഗീകാരമുള്ളതും, അതിന്റെ വെബ്‌സൈറ്റായ www.gdcd.gov.bh ൽ ലിസ്റ്റുചെയ്തിരിക്കുന്നതുമായ അഗ്നിശമന, അലാറം സംവിധാനങ്ങൾ സ്ഥാപിക്കാൻ ഡയറക്ടറേറ്റ് ഷോപ്പ് ഉടമകളോട് ആവശ്യപ്പെട്ടു.
