മനുഷ്യക്കടത്ത്​ തടയുന്നതിൽ തു​ട​ർ​ച്ച​യാ​യ നാ​ലാം വ​ർ​ഷ​വും​ മുൻനിര സ്​ഥാനം കരസ്ഥമാക്കി ബഹ്​റൈൻ

മനാമ: അ​മേ​രി​ക്ക​ൻ സ്​​റ്റേ​റ്റ്​ ഡി​പ്പാ​ർ​ട്​​​മെൻറ്​ പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​ലാണ് ഒ​ന്നാം നിര​യി​ലു​ള്ള രാ​ജ്യ​ങ്ങ​ളു​ടെ പ​ട്ടി​ക​യി​ൽ​ ബ​ഹ്​​റൈ​ൻ വീണ്ടും ഇ​ടം​പി​ടി​ച്ച​ത്. മ​നു​ഷ്യ​ക്ക​ട​ത്തി​നി​ര​യാ​കു​ന്ന​വ​രു​ടെ സം​ര​ക്ഷ​ണ​ത്തി​നു​ള്ള നി​യ​മം പാ​ലി​ക്കു​ന്ന​തി​ലെ വി​ജ​യ​മാ​ണ്​ ബ​ഹ്​​റൈ​നെ ഈ നേ​ട്ട​ത്തി​ന​ർ​ഹ​മാ​ക്കി​യ​ത്. മുൻ നിരയിൽ ഇടം നേടിയ ഏ​ക ജി.​സി.​സി, അ​റ​ബ്​ രാ​ജ്യം കൂ​ടി​യാ​ണ്​ ബ​ഹ്​​റൈ​ൻ.

മ​നു​ഷ്യ​ക്ക​ട​ത്ത്​ ഇ​ല്ലാ​താ​ക്കു​ന്ന മാ​ന​ദ​ണ്ഡ​ങ്ങ​ൾ ബ​ഹ്​​റൈ​ൻ പാ​ലി​ച്ച​താ​യി റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു. മ​ഹാ​മാ​രി​യു​ടെ പ്ര​ത്യാ​ഘാ​തം നേ​രി​ട്ടെ​ങ്കി​ലും ക​ഴി​ഞ്ഞ വ​ർ​ഷം ഏ​പ്രി​ൽ മു​ത​ൽ ഈ ​വ​ർ​ഷം മാ​ർ​ച്ച്​ 31 വ​രെ സ​ർ​ക്കാ​ർ ഗൗ​ര​വ​ത​ര​വും സു​സ്​​ഥി​ര​വു​മാ​യ ശ്ര​മ​ങ്ങ​ൾ ഇ​ക്കാ​ര്യ​ത്തി​ൽ ന​ട​ത്തി. മ​നു​ഷ്യ​ക്ക​ട​ത്ത്​ വി​രു​ദ്ധ പ​ബ്ലി​ക്​ പ്രോ​സി​ക്യൂ​ട്ട​റു​ടെ ഓ​ഫി​സും പ്ര​ത്യേ​ക ഉന്നത കോ​ട​തി​ സ്​​ഥാ​പി​ച്ച​തും ഇ​തി​ന്​ ഉ​ദാ​ഹ​ര​ണ​മാ​ണ്. നി​ർ​ബ​ന്ധി​ത തൊ​ഴി​ൽ അ​വ​സാ​നി​പ്പി​ക്കാ​നും മ​ഹാ​മാ​രി​ക്കാ​ല​ത്ത്​ തൊ​ഴി​ൽ​ന​ഷ്​​ട​പ്പെ​ട്ട കു​ടി​യേ​റ്റ​ക്കാ​രു​ടെ സം​ര​ക്ഷ​ണ​ത്തി​നും ന​ട​പ​ടി​ക​ൾ സ്വീ​ക​രി​ച്ചു.

മ​നു​ഷ്യാ​വ​കാ​ശ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​ലും അ​ന്താ​രാ​ഷ്​​ട്ര ത​ല​ത്തി​ൽ മ​നു​ഷ്യ​ക്ക​ട​ത്ത്​ ത​ട​യു​ന്ന​തി​ലും ബ​ഹ്‌​റൈ​ൻ കൈ​വ​രി​ച്ച പു​രോ​ഗ​തി രാ​ജ്യ​ത്ത്​ നി​ല​നി​ൽ​ക്കു​ന്ന മ​നു​ഷ്യാ​വ​കാ​ശ സം​സ്​​കാ​ര​ത്തി​ൻറെ ഫ​ല​മാ​ണെ​ന്ന്​ പാ​ർ​ല​മെൻറ്​ സ്​​പീ​ക്ക​ർ ഫൗ​സി​യ ബി​ൻ​ത്​ അ​ബ്​​ദു​ല്ല സൈ​ന​ൽ പ​റ​ഞ്ഞു. മ​നു​ഷ്യ​ക്ക​ട​ത്ത്​ ത​ട​യു​ന്ന​തി​ൽ ബ​ഹ്‌​റൈൻറെ മാ​തൃ​ക അ​ന്ത​ർ​ദേ​ശീ​യ രം​ഗ​ത്ത് പ്രാ​ധാ​ന്യം നേ​ടി​യ​താ​യും അ​വ​ർ പ​റ​ഞ്ഞു.

വി​വേ​ച​ന​മി​ല്ലാ​തെ രാ​ജ്യ​ത്തി​ലെ എ​ല്ലാ പൗ​ര​ന്മാ​ർ​ക്കും പ്ര​വാ​സി​ക​ൾ​ക്കും തു​ല്യ​ത​യും മ​നു​ഷ്യാ​വ​കാ​ശ​വും ഉ​റ​പ്പാ​ക്കു​ന്ന​തി​നു​ള്ള ഹ​മ​ദ്​ രാ​ജാ​വിൻറെ മാ​ർ​ഗ​നി​ർ​ദേ​ശ​ങ്ങ​ളു​ടെ​യും വി​വേ​ക​പൂ​ർ​ണ​മാ​യ കാ​ഴ്​​ച​പ്പാ​ടി​ൻറെ​യും ഫ​ല​മാ​ണ് ഈ ​നേ​ട്ട​മെ​ന്ന് ലേ​ബ​ർ മാ​ർ​ക്ക​റ്റ് റ​ഗു​ലേ​റ്റ​റി അ​തോ​റി​റ്റി (എ​ൽ‌.​എം‌.​ആ​ർ‌.​എ) ചീ​ഫ് എ​ക്​​സി​ക്യൂ​ട്ടി​വ് ഓ​ഫി​സ​ർ ജ​മാ​ൽ അ​ബ്​​ദു​ൽ അ​സീ​സ് അ​ൽ അ​ല​വി പ​റ​ഞ്ഞു.