മൽ​കി​യ, കർസക്കാൻ തു​റ​മു​ഖ പ​ദ്ധ​തി​ക​ൾ വിലയിരുത്തി പൊ​തു​മ​രാ​മ​ത്ത്, മു​നി​സി​പ്പാ​ലി​റ്റി കാ​ര്യ, ന​ഗ​രാ​സൂ​ത്ര​ണ മ​ന്ത്രി

മനാമ: വി​ക​സ​ന പ​ദ്ധ​തി​ക​ളി​ൽ ജ​ന​ങ്ങ​ളു​ടെ ആ​വ​ശ്യ​ങ്ങ​ൾ​ക്കാ​ണ്​ സ​ർ​ക്കാ​ർ മു​ഖ്യ പ​രി​ഗ​ണ​ന ന​ൽ​കു​ന്ന​തെ​ന്ന്​ പൊ​തു​മ​രാ​മ​ത്ത്, മു​നി​സി​പ്പാ​ലി​റ്റി കാ​ര്യ, ന​ഗ​രാ​സൂ​ത്ര​ണ മ​ന്ത്രി എ​സ്സാം ബി​ൻ അ​ബ്​​ദു​ല്ല ഖ​ല​ഫ് പ​റ​ഞ്ഞു. നോ​ർ​തേ​ൺ ഗ​വ​ർ​ണ​റേ​റ്റി​ലെ 12ാം മ​ണ്ഡ​ല​ത്തി​ൽ സ​ന്ദ​ർ​ശ​നം ന​ട​ത്തു​ക​യാ​യി​രു​ന്നു അ​ദ്ദേ​ഹം. ഈ ​മേ​ഖ​ല​യി​ൽ മ​ന്ത്രാ​ല​യം ന​ട​പ്പാ​ക്കു​ന്ന വി​വി​ധ പ​ദ്ധ​തി​ക​ൾ മ​ന്ത്രി അ​വ​ലോ​ക​നം ചെ​യ്​​തു.

മൽ​കി​യ തു​റ​മു​ഖം, കർസക്കാൻ തു​റ​മു​ഖം, കർസക്കാൻ തീ​ര​പ​ദ്ധ​തി, കർസക്കാൻ തീ​ര​ത്തേ​ക്ക് പോ​കു​ന്ന റോ​ഡ് എ​ന്നി​വ​യാ​ണ്​ ഇ​വി​ടെ ന​ട​പ്പാ​ക്കു​ന്ന പ്ര​ധാ​ന പ​ദ്ധ​തി​ക​ൾ. 513 ച​തു​ര​ശ്ര മീ​റ്റ​ർ വി​സ്​​തീ​ർ​ണ​മു​ള്ള അ​ൽ മൽ​കി​യ തു​റ​മു​ഖം ഈ ​പ്ര​ദേ​ശ​ത്തി​െൻറ വി​ക​സ​ന​ത്തി​ന്​ സാ​ക്ഷ്യം വ​ഹി​ക്കു​മെ​ന്ന്​ അ​ദ്ദേ​ഹം പ​റ​ഞ്ഞു. മ​ത്സ്യ​ത്തൊ​ഴി​ലാ​ളി​ക​ൾ​ക്ക്​ ത​ണ​ൽ മേ​ഖ​ല​യും ബോ​ട്ടു​ക​ൾ​ക്ക് പു​തി​യ സ്ലി​പ്പ് വേ​യും പ​ദ്ധ​തി​യി​ൽ ഉ​ൾ​പ്പെ​ടു​ന്നു. 34 കാ​റു​ക​ൾ​ക്കു​ള്ള പാ​ർ​ക്കി​ങ്​ ഏ​രി​യ​യും 14 ബോ​ട്ടു​ക​ൾ നി​ർ​ത്തി​യി​ടാ​നു​ള്ള സൗ​ക​ര്യ​വും ഇ​വി​ടെ ഒ​രു​ക്കും. അ​ഡ്​​മി​നി​സ്ട്രേ​റ്റി​വ് കെ​ട്ടി​ടം, മ​ത്സ്യ മാ​ർ​ക്ക​റ്റ്, മ​റ്റ്​ പൊ​തു സൗ​ക​ര്യ​ങ്ങ​ൾ എ​ന്നി​വ​യും ഇ​തി​ൽ ഉ​ൾ​പ്പെ​ടു​ന്നു.

531 ച​തു​ര​ശ്ര മീ​റ്റ​ർ വി​സ്​​തീ​ർ​ണ​ത്തി​ലാ​ണ്​ കർസക്കാൻ തു​റ​മു​ഖ പ​ദ്ധ​തി നി​ർ​മി​ക്കു​ന്ന​ത്. മ​ത്സ്യ​ത്തൊ​ഴി​ലാ​ളി​ക​ൾ​ക്ക് ഷേ​ഡി​ങ്​ ഏ​രി​യ​യും ബോ​ട്ടു​ക​ൾ​ക്ക് പു​തി​യ സ്ലി​പ്പ് വേ​യും പ​ദ്ധ​തി​യി​ൽ ഉ​ൾ​പ്പെ​ടു​ന്നു. 50 കാ​റു​ക​ൾ​ക്കു​ള്ള പാ​ർ​ക്കി​ങ്​ ഏ​രി​യ, 12 ബോ​ട്ടു​ക​ൾ നി​ർ​ത്തി​യി​ടാ​നു​ള്ള സൗ​ക​ര്യം, അ​ഡ്​​മി​നി​സ്ട്രേ​റ്റി​വ് കെ​ട്ടി​ടം, മ​ത്സ്യ മാ​ർ​ക്ക​റ്റ്​ എ​ന്നി​വ​യും ഇ​വി​ടെ ഉ​ണ്ടാ​കും.

ആ​ധു​നി​ക മ​റൈ​ൻ സാ​േ​ങ്ക​തി​ക​വി​ദ്യ​യും മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി​ക​ളു​ടെ താ​ൽ​പ​ര്യ​ങ്ങ​ളും പ​രി​ഗ​ണി​ച്ചാ​ണ്​ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ എ​ന്ന്​ മ​ന്ത്രി പ​റ​ഞ്ഞു. മ​ത്സ്യ​ത്തൊ​ഴി​ലാ​ളി​ക​ളു​ടെ തൊ​ഴി​ലി​ന്​ ത​ട​സ്സ​മാ​കു​ന്ന എ​ല്ലാ കാ​ര്യ​ങ്ങ​ളും നീ​ക്കു​ന്ന​തി​നു​ള്ള ശ്ര​മം ന​ട​ത്തും.

മ​ത്സ്യ​ബ​ന്ധ​ന മേ​ഖ​ല​യു​ടെ ഉ​ണ​ർ​വി​നും ഈ ​പ​ദ്ധ​തി സ​ഹാ​യി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. അ​ടു​ത്ത​വ​ർ​ഷം ഏ​പ്രി​ലി​ൽ ര​ണ്ട് പ​ദ്ധ​തി​ക​ളും പൂ​ർ​ത്തീ​ക​രി​ക്കാ​നാ​ണ്​ ല​ക്ഷ്യ​മി​ടു​ന്ന​ത്.

9,235 മീ​റ്റ​ർ വി​സ്​​തീ​ർ​ണ​മു​ള്ള കർസക്കാൻ തീ​ര​പ​ദ്ധ​തി​യി​ൽ 250 മീ​റ്റ​ർ നീ​ള​മു​ള്ള പ്ര​ധാ​ന ന​ട​പ്പാ​ത, വി​നോ​ദ കേ​ന്ദ്രം, നീ​ന്ത​ലി​നു​ള്ള സൗ​ക​ര്യം എ​ന്നി​വ​യും ഒ​രു​ക്കും. പൗ​ര​ന്മാ​ർ​ക്കും പ്ര​വാ​സി​ക​ൾ​ക്കു​മാ​യി സ​മു​ദ്ര​തീ​ര​ങ്ങ​ൾ വി​ക​സി​പ്പി​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​യാ​ണ്​ ഇ​ത്​ ന​ട​പ്പാ​ക്കു​ന്ന​ത്.

കർസക്കാൻ തീ​ര​ത്തേ​ക്ക്​ റോ​ഡ് നി​ർ​മി​ക്കു​ന്ന പ​ദ്ധ​തി​യും അ​വ​ലോ​ക​നം ചെ​യ്​​തു. 458 മീ​റ്റ​ർ നീ​ള​ത്തി​ൽ നി​ർ​മി​ക്കു​ന്ന റോ​ഡി​െൻറ വ​ശ​ങ്ങ​ളി​ൽ കാ​റു​ക​ൾ പാ​ർ​ക്ക്​ ചെ​യ്യാ​നും ക​ഴി​യും. പ​ദ്ധ​തി​യു​ടെ ഡി​സൈ​ൻ‌ പൂ​ർ‌​ത്തി​യാ​ക്കി​യി​ട്ടു​ണ്ടെ​ന്നും ടെ​ൻ​ഡ​റി​നു​ള്ള രേ​ഖ​ക​ൾ‌ ത​യാ​റാ​ക്കു​ന്ന പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രി​ക​യാ​ണെ​ന്നും മ​ന്ത്രി പ​റ​ഞ്ഞു.