പുതിയ അധ്യയന വർഷത്തേക്കുള്ള സർവകലാശാലകളുടെ തയ്യാറെടുപ്പ് വിലയിരുത്തി വി​ദ്യാ​ഭ്യാ​സ മ​ന്ത്രി

മനാമ: പു​തി​യ അ​ധ്യ​യ​ന വ​ർ​ഷം ആ​രം​ഭി​ക്കു​ന്ന​തി​ന്​ മു​​ന്നോ​ടി​യാ​യി ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ തയ്യാറെ​ടു​പ്പു​ക​ൾ​ വി​ദ്യാ​ഭ്യാ​സ മ​ന്ത്രി ഡോ. ​മാ​ജി​ദ് ബി​ൻ അ​ലി അ​ൽ നുവൈമി വി​ല​യി​രു​ത്തി. ഉ​ന്ന​ത വി​ദ്യാ​ഭ്യാ​സ കൗ​ൺ​സി​ൽ ഉ​ദ്യോ​ഗ​സ്ഥ​രു​മാ​യി ന​ട​ത്തി​യ യോ​ഗ​ത്തി​ലാ​ണ്​ ഇ​തു​സം​ബ​ന്ധി​ച്ച വി​വ​ര​ങ്ങ​ൾ പ​ങ്കു​വെ​ച്ച​ത്. അടുത്ത അധ്യയന വർഷത്തിൽ പകർച്ചവ്യാധിയെ പ്രതിരോധിക്കാൻ ആവശ്യമായ മുൻകരുതൽ നടപടികൾ പാലിക്കേണ്ടതിന്റെ ആവശ്യകതയെക്കുറിച്ച് യോഗം ഊന്നിപ്പറഞ്ഞു. പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​തി​നായി സ്ഥാ​പ​ന അ​ധി​കൃ​ത​രെ ഉ​ൾ​പ്പെ​ടു​ത്തി ജ​ന​റ​ൽ സെ​ക്ര​ട്ടേ​റി​യ​റ്റ് യോ​ഗം​ ചേ​രും.

എ​ല്ലാ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളും ന​ൽ​കു​ന്ന അ​ക്കാ​ദ​മി​ക് പ്രോ​ഗ്രാ​മു​ക​ളോ​ട് കൗ​ൺ​സി​ലിന്റെ താത്​പ​ര്യം വി​ദ്യാ​ഭ്യാ​സ മ​ന്ത്രി സ്ഥി​രീ​ക​രി​ച്ചു. ഈ ​മേ​ഖ​ല​യി​ൽ നി​ക്ഷേ​പം ന​ട​ത്താ​ൻ കൗ​ൺ​സി​ലി​നെ അദ്ദേഹം പ്രോ​ത്സാ​ഹി​പ്പി​ച്ചു. നി​ർ​ദി​ഷ്​​ട ചട്ടങ്ങൾക്ക​നു​സൃ​ത​മാ​യി വി​ദ്യാ​ഭ്യാ​സ സ്​​ഥാ​പ​ന​ങ്ങ​ളു​ടെ കോ​ഴ്​​സു​ക​ൾ​ക്ക്​​ പ്ര​ചാ​രം നൽ​കാ​ൻ​ സഹായിക്കണമെന്നും അ​ദ്ദേ​ഹം പറഞ്ഞു.