മനാമ: ബഹ്റൈനിൽ 7,434 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ഫെബ്രുവരി 5ന് 24 മണിക്കൂറിനിടെ 29,170 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി വൈറസ്ബാധ സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 59,033 ആയി.
അതേസമയം 5,917 പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 352,928 ആയി ഉയർന്നു. ഇന്നലെ മരണപ്പെട്ട ഒരാളക്കം രാജ്യത്തെ ആകെ കോവിഡ് മരണ സംഖ്യ 1,411 ആയി. 8,933,720 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.
പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,226,114 പേർ ഇതുവരെ ഓരോ ഡോസും 1,195,735 പേർ രണ്ട് ഡോസും 945,298 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.
