മനാമ: സാമൂഹിക, സാംസ്കാരിക, ജീവകാരുണ്യ സംഘടനയായ എറണാകുളം അസോസിയേഷൻ (ഫെഡ് ബഹ്റൈൻ) വ്യാഴാഴ്ച വൈകീട്ട് 7.30ന് ബി.എം.സി ഓഡിറ്റോറിയത്തിൽ കുടുംബയോഗം സംഘടിപ്പിക്കും.
കഴിഞ്ഞദിവസം നടന്ന വാർഷിക പൊതുയോഗത്തിൽ വിവേക് മാത്യു, സ്റ്റീവൻസൺ എന്നിവരുടെ നേതൃത്വത്തിൽ തെരഞ്ഞെടുക്കപ്പെട്ട പുതിയ ഭരണസമിതിയെയും ലേഡീസ് വിങ്, ചിൽഡ്രൻസ് വിങ് എന്നിവരെയും കുടുംബാംഗങ്ങൾക്കായി പരിചയപ്പെടുത്തുമെന്ന് രക്ഷാധികാരി മാണിക്യമേനോൻ, ചെയർമാൻ ഫ്രാൻസിസ് കൈതാരത്ത് എന്നിവർ അറിയിച്ചു. സിനിമാതാരം ജയ മേനോൻ മുഖ്യാതിഥിയാകും. 10, 12 ക്ലാസുകളിൽ ഉന്നത വിജയം നേടിയവരെ ആദരിക്കും.
വിവിധങ്ങളായ കലാപരിപാടികളും സംഘടിപ്പിച്ചിട്ടുണ്ട്. സംഘടനയിൽ അംഗങ്ങളാകാൻ ആഗ്രഹിക്കുന്നവർ 33279225/ 39069007 നമ്പറുകളിൽ ബന്ധപ്പെടണമെന്ന് മെംബർഷിപ് സെക്രട്ടറി പ്രശാന്ത് അറിയിച്ചു.
