സയൻസ് സ്ട്രീമിൽ 97% (485/500) നേടിയ ശ്രീപ്രഹ്ളാദ് മുകുന്ദനും ഹൈഫ മുഹമ്മദ് ഷിറാസും ഒന്നാം സ്ഥാനം നേടി. 96.8% (484/500) നേടിയ ധനേഷ് സുബ്രഹ്മണ്യനും തേജൽ കാർത്തികേയനും സയൻസ് സ്ട്രീമിൽ രണ്ടാം സ്ഥാനം നേടി. ഹരിറാം ചെമ്പ്ര, വൈശാഖ് പവിത്രൻ, വിസ്മയ ഷമിത സുനിൽ എന്നിവർ 96 ശതമാനം മാർക്കോടെ (480/500) സയൻസ് സ്ട്രീമിൽ മൂന്നാം സ്ഥാനം നേടി.
97% (485/500) നേടിയ സയ്യിദ് അസീല മാഹീൻ അബൂബക്കറാണ് കൊമേഴ്സ് സ്ട്രീമിൽ ടോപ്പർ. 94.2% (471/500) മാർക്കോടെ കൊമേഴ്സ് സ്ട്രീമിൽ രണ്ടാം സ്ഥാനത്താണ് റാണിം. കൊമേഴ്സ് വിഭാഗത്തിൽ 94 ശതമാനം (470/500) നേടിയ പ്രണിത് പള്ളിപ്പുറത്തും ഗ്ലിനസ് സൂസൻ സജുവും മൂന്നാം സ്ഥാനത്താണ്.
ഹ്യുമാനിറ്റീസ് ടോപ്പർമാർ
97% (485/500) മാർക്ക് നേടിയ ഫാത്തിമ നവര നവാസ് ആണ് ഹ്യുമാനിറ്റീസ് സ്ട്രീമിൽ ടോപ്പർ. 96.4% (482/500) നേടിയ ആൻ റെജി ജോൺ ഹ്യുമാനിറ്റീസ് സ്ട്രീമിൽ രണ്ടാം സ്ഥാനത്താണ്. 92.6 ശതമാനം നേടിയ ലിൻഡ സാറ ജോസഫാണ് 463 മാർക്കോടെ മൂന്നാം സ്ഥാനത്ത്.
സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, അക്കാദമിക കാര്യങ്ങളുടെ ചുമതലയുള്ള അസി.സെക്രട്ടറി രഞ്ജിനി മോഹൻ, മറ്റു ഭരണ സമിതി അംഗങ്ങൾ, പ്രിൻസിപ്പൽ വി ആർ പളനിസ്വാമി എന്നിവർ മികച്ച പ്രകടനത്തിന് വിദ്യാർത്ഥികളെയും മാർഗദർശനം നൽകിയ അധ്യാപകരെയും രക്ഷിതാക്കളെയും അഭിനന്ദിച്ചു. വിദ്യാർത്ഥികളുടെയും അധ്യാപകരുടെയും സ്ഥാപനത്തിൻ്റെയും അർപ്പണബോധം പ്രകടമാക്കുന്ന മികച്ച പരീക്ഷാഫലങ്ങളോടെ ഇന്ത്യൻ സ്കൂൾ അഭിമാനകരമായ മറ്റൊരു നേട്ടം ആഘോഷിക്കുന്നതായി ബിനു മണ്ണിൽ വൃഗീസ് പറഞ്ഞു. അക്കാദമിക് മികവ് കൈവരിക്കുന്നതിൽ മാർഗനിർദേശത്തിൻ്റെയും പ്രോത്സാഹനത്തിൻ്റെയും നിർണായക പങ്ക് ഈ വിജയം അടിവരയിടുന്നതായി സെക്രട്ടറി വി.രാജപാണ്ഡ്യൻ പറഞ്ഞു. ഇന്ത്യൻ സ്കൂൾ വിദ്യാർത്ഥികളുടെ മികച്ച പ്രകടനം സ്ഥാപനത്തിൻ്റെ സമഗ്രവികസനത്തോടുള്ള പ്രതിബദ്ധതയെ ഉയർത്തിക്കാട്ടുന്നുവെന്ന് രഞ്ജിനി മോഹൻ പറഞ്ഞു. ഈ ശ്രദ്ധേയമായ നേട്ടത്തിന് സംഭാവന നൽകിയ വിദ്യാർത്ഥികൾക്കും പിന്തുണയേകിയ അധ്യാപകർക്കും രക്ഷിതാക്കൾക്കും പ്രിൻസിപ്പൽ വി ആർ പളനിസ്വാമി നന്ദി അറിയിച്ചു.
- 4 വിദ്യാർത്ഥികൾക്ക് ഏറ്റവും ഉയർന്ന മാർക്ക് : 485/500 (97%)
- 32 വിദ്യാർത്ഥികൾക്ക് എല്ലാ വിഷയങ്ങൾക്കും എ വൺ
- 93 വിദ്യാർത്ഥികൾക്ക് ഓൾ എ ഗ്രേഡുകൾ (A1, A2)
- 14.9% വിദ്യാർത്ഥികൾക്ക് 90% ഉം അതിൽ കൂടുതലും
- 56.98 % വിദ്യാർത്ഥികൾക്ക് 75% ഉം അതിൽ കൂടുതലും
- 89.77% വിദ്യാർത്ഥികൾക്ക് 60% ഉം അതിനുമുകളിലും
- 5 വിദ്യാർത്ഥികൾക്ക് കമ്പ്യൂട്ടർ സയൻസിൽ 100
- ഇൻഫോർമാറ്റിക്സ് പ്രാക്ടീസിൽ 5 വിദ്യാർത്ഥികൾക്ക് 100
- എഞ്ചിനീയറിംഗ് ഗ്രാഫിക്‌സിൽ 5 വിദ്യാർത്ഥികൾക്ക് 100
- കെമിസ്ട്രിയിൽ 2 വിദ്യാർത്ഥികൾക്ക് 100
- 2 വിദ്യാർത്ഥികൾക്ക് സൈക്കോളജിയിൽ 100
- ഒരു വിദ്യാർത്ഥിക്ക് ബയോളജിയിൽ 100
- ഹോം സയൻസിൽ ഒരു വിദ്യാർത്ഥിക്ക് 100
- ഒരു വിദ്യാർത്ഥിക്ക് മാർക്കറ്റിങ്ങിൽ 100
- ഒരു വിദ്യാർത്ഥിക്ക് സാമ്പത്തിക ശാസ്ത്രത്തിൽ 99
- അക്കൗണ്ടൻസിയിൽ ഒരു വിദ്യാർത്ഥിക്ക് 99
- ഒരു വിദ്യാർത്ഥിക്ക് ബയോടെക്നോളജിയിൽ 99
- 6 വിദ്യാർത്ഥികൾക്ക് ഇംഗ്ലീഷിൽ 98
- ഒരു വിദ്യാർത്ഥിക്ക് ബിസിനസ് സ്റ്റഡീസിൽ 97
- ഒരു വിദ്യാർത്ഥിക്ക് ഗണിതത്തിൽ 97
- 2 വിദ്യാർത്ഥികൾക്ക് ഫിസിക്സിൽ 96
- ഒരു വിദ്യാർത്ഥിക്ക് സോഷ്യോളജിയിൽ 95
- അപ്ലൈഡ് മാത്തമാറ്റിക്‌സിൽ ഒരു വിദ്യാർത്ഥിക്ക് 86
