മനാമ: ബഹ്റൈന്‍ പ്രവാസം മതിയാക്കി നാട്ടിലേക്ക് യാത്ര തിരിക്കുന്ന ഐ.വൈ.സി.സി ബഹ്റൈന്‍ ഹിദ്ദ്- അറാദ് ഏരിയ ട്രഷറര്‍ ഷനീഷ് സദാനന്ദന് ദേശീയ, ഏരിയ കമ്മിറ്റികള്‍ ചേര്‍ന്ന് യാത്രയയപ്പ് നല്‍കി. ദേശീയ പ്രസിഡന്റ് ഷിബിന്‍ തോമസ്, ഏരിയ പ്രസിഡന്റ് റോബിന്‍ കോശി എന്നിവര്‍ ചേര്‍ന്ന് മൊമെന്റോ നല്‍കി.
സംഘടനക്ക് സാമൂഹിക മേഖലകളിലെ ഇടപെടലുകളില്‍ ഷനീഷ് നല്‍കിയ പിന്തുണ എന്നും സ്മരിക്കുന്നതാണെന്ന് ദേശീയ പ്രസിഡന്റ് അഭിപ്രായപ്പെട്ടു. ദേശീയ ട്രഷറര്‍ ബെന്‍സി ഗനിയുഡ്, വൈസ് പ്രസിഡന്റ്മാരായ അനസ് റഹിം, ഷംഷാദ് കാക്കൂര്‍, ജോയിന്റ് സെക്രട്ടറി രാജേഷ് പന്മന, ദേശീയ, ഏരിയ കോര്‍ കമ്മിറ്റി അംഗങ്ങള്‍, ഏരിയ സെക്രട്ടറി നിധിന്‍ ചെറിയാന്‍, മുന്‍ ഭാരവാഹികള്‍, എക്‌സിക്യൂട്ടീവ് അംഗങ്ങള്‍ ചടങ്ങില്‍ സന്നിഹിതര്‍ ആയിരുന്നു.
