മനാമ: ഐവൈസിസി ബഹ്റൈന്‍ ഹമദ് ടൗണ്‍ ഏരിയ കമ്മിറ്റി വൈസ് പ്രസിഡന്റായിരുന്ന കബീര്‍ മുഹമ്മദിന്റെ രണ്ടാം അനുസ്മരണ യോഗം ജൂലൈ 11 ന് വൈകുന്നേരം 5 മണിക്ക് ഹമദ് ടൗണിലെ കെഎംസിസി ഹാളില്‍ വെച്ച് നടക്കും.
ഐവൈസിസി ബഹ്റൈന്‍ ദേശീയ പ്രസിഡന്റ് ഷിബിന്‍ തോമസ് ഉള്‍പ്പെടെയുള്ള ദേശീയ നേതാക്കളും, ബഹ്റൈനിലെ സാമൂഹിക-സാംസ്‌കാരിക രംഗത്തെ പ്രമുഖ വ്യക്തികളും യോഗത്തില്‍ പങ്കെടുക്കും. സംഘടനയിലെ സൗമ്യസാന്നിധ്യമായിരുന്നു അദ്ദേഹം.
ബഹ്റൈനിലെ സാമൂഹിക മണ്ഡലത്തില്‍ തന്റേതായ വ്യക്തിമുദ്ര പതിപ്പിച്ച കബീര്‍ മുഹമ്മദിന്റെ അനുസ്മരണ യോഗത്തിലേക്ക് എല്ലാവരെയും സ്വാഗതം ചെയ്യുന്നതായി ഐവൈസിസി ബഹ്റൈന്‍, ഹമദ് ടൗണ്‍ ഏരിയ കമ്മിറ്റി പ്രസിഡന്റ് വിജയന്‍ ടി.പി, ജനറല്‍ സെക്രട്ടറി ഹരിശങ്കര്‍ പി.എന്‍, ട്രഷറര്‍ ശരത് കണ്ണൂര്‍ എന്നിവര്‍ പത്രക്കുറിപ്പില്‍ അറിയിച്ചു.
