മനാമ: കോണ്‍ഗ്രസ്സ് പാര്‍ട്ടിയുടെ സമുന്നത നേതാവും, മുന്‍ മന്ത്രിയും, കേരള പ്രദേശ് കോണ്‍ഗ്രസ്സ് കമ്മിറ്റിയുടെ മുന്‍ പ്രസിഡന്റുമായ അഡ്വ. സി.വി പത്മരാജന്റെ നിര്യാണത്തില്‍ ഇന്ത്യന്‍ യൂത്ത് കള്‍ച്ചറല്‍ കോണ്‍ഗ്രസ്സ് ബഹ്റൈന്‍ ദേശീയ കമ്മിറ്റി ദുഖം രേഖപ്പെടുത്തി. കേരള രാഷ്ട്രീയത്തിലും കോണ്‍ഗ്രസ്സ് പാര്‍ട്ടിയിലും അദ്ദേഹം നല്‍കിയ സംഭാവനകള്‍ വിലമതിക്കാനാവാത്തതാണ്. അദ്ദേഹത്തിന്റെ വേര്‍പാട് കേരളത്തിലെ കോണ്‍ഗ്രസ്സ് പാര്‍ട്ടിക്ക് വലിയ നഷ്ടമാണ്.
ഓരോ കോണ്‍ഗ്രസുകാരന്റേയും ആത്മാഭിമാനത്തിന്റെ പ്രതീകമായ തിരുവനന്തപുരത്തെ കേരള പ്രദേശ് കോണ്‍ഗ്രസ് ആസ്ഥാനം ‘ഇന്ദിരാഭവന്‍’ യാഥാര്‍ഥ്യമാക്കിയത് അദ്ദേഹം കെ.പി.സി.സി അധ്യക്ഷനായിരുന്ന കാലത്താണ്. കരുണാകരന്‍, എ.കെ ആന്റണി മന്ത്രിസഭകളില്‍ അംഗമായിരുന്നു. പത്മരാജന്റെ കുടുംബാംഗങ്ങളുടെയും സുഹൃത്തുക്കളുടെയും ദുഖത്തില്‍ ഐ.വൈ.സി.സി ബഹ്റൈന്‍ ദേശീയ കമ്മിറ്റി പങ്കുചേരുന്നു.
