അവധിക്ക് നാട്ടിൽ പോയ ബഹ്‌റൈൻ പ്രവാസി ബൈക്ക് അപകടത്തിൽ മരണപ്പെട്ടു. ആലപ്പുഴ വെണ്മണി സ്വദേശി മനു കെ രാജനാണ് ബൈക്ക് അപകടത്തിൽ മരണപ്പെട്ടത്. ബഹ്‌റൈനിലെ റാംസിസ് എഞ്ചിനീയറിംഗ് കമ്പനിയിൽ ജോലി ചെയ്തിരുന്ന ഇദ്ദേഹം കഴിഞ്ഞ ആഴ്ചയാണ് അവധിക്ക് നാട്ടിലേയ്ക്ക് പോയത്. ഒരു സ്വകാര്യ സ്ഥാപനത്തിൽ ജോലി ചെയ്യുന്ന ഭാര്യയെ കൂട്ടാനായി പോകുമ്പോൾ, മനു സഞ്ചരിച്ച ബൈക്ക് കഴിഞ്ഞ ദിവസം അപകടത്തിൽ പെടുകയായിരുന്നു. അതീവ ഗുരുതരാവസ്ഥയിൽ പത്തനംതിട്ട പരുമല ഹോസ്പിറ്റലിൽ പ്രവേശിപ്പിക്കപ്പെട്ട ഇദ്ദേഹം ഇന്ന് വെളുപ്പിനെ മരണപ്പെട്ടു.
ബഹ്‌റൈനിലെ വോയ്‌സ് ഓഫ് ആലപ്പി സംഘടയിൽ സജീവ അംഗമായിരുന്ന ഇദ്ദേഹത്തിന്റെ നിര്യാണത്തിൽ വോയ്‌സ് ഓഫ് ആലപ്പി എക്സിക്യൂട്ടീവ് കമ്മറ്റി അഗാധമായ ദുഃഖം രേഖപ്പെടുത്തുകയും അനുശോചനം അറിയിക്കുകയും ചെയ്തു. വോയ്‌സ് ഓഫ് ആലപ്പി വടംവലി ടീം അംഗം കൂടിയാണ് ഇദ്ദേഹം.
