മനാമ: ഇന്ത്യന്‍ യൂത്ത് കള്‍ച്ചറല്‍ കോണ്‍ഗ്രസ്-ഐവൈസിസി ബഹ്റൈന്‍, മനാമ ഏരിയ കമ്മിറ്റിയുടെ ആഭിമുഖ്യത്തില്‍ യൂത്ത് കോണ്‍ഗ്രസ് സ്ഥാപകദിനം വിപുലമായ പരിപാടികളോടെ ആഘോഷിക്കുന്നു. ഇതിനോടനുബന്ധിച്ച് ഇന്ത്യന്‍ യൂത്ത് കോണ്‍ഗ്രസ് സംസ്ഥാന കമ്മിറ്റി നടത്തുന്ന സത്യ സേവ സംഘര്‍ഷിന്റെ ഭാഗമായി പ്രവര്‍ത്തക ക്യാമ്പ് സംഘടിപ്പിക്കും.
നാളെ വൈകുന്നേരം 4 മണിക്ക് മനാമയിലെ എക്‌സ്പ്രസ് സ്റ്റേഷന്‍ റസ്റ്റോറന്റിലാണ് പരിപാടികള്‍ നടക്കുന്നത്. ‘ലീഡ് ഐവൈസിസി സത്യ സേവ സംഘര്‍ഷ്’ എന്ന മുദ്രാവാക്യത്തിന് കീഴിലാണ് ക്യാമ്പ് സംഘടിപ്പിക്കുന്നത്. സംഘടനാപരമായ കാര്യങ്ങള്‍ ചര്‍ച്ച ചെയ്യുന്നതിനും ഭാവി പരിപാടികള്‍ ആസൂത്രണം ചെയ്യുന്നതിനും ഈ ക്യാമ്പ് വേദിയാകും.
ഐവൈസിസി ദേശീയ പ്രസിഡന്റ് ഷിബിന്‍ തോമസ് അടക്കമുള്ള ബഹ്റൈനിലെ സാമൂഹിക, സാംസ്‌കാരിക, രാഷ്ട്രീയ രംഗത്തെ പ്രമുഖര്‍, ഇന്ത്യന്‍ നാഷണല്‍ കോണ്‍ഗ്രസിന്റെ ബഹ്റൈനിലെ പ്രധാന നേതാക്കള്‍ പരിപാടിയില്‍ പങ്കെടുക്കും. ഈ ക്യാമ്പിലേക്ക് ഐവൈസിസിയുടെ എല്ലാ പ്രവര്‍ത്തകരെയും, അനുഭാവികളേയും യുവജനങ്ങളെയും ക്ഷണിക്കുന്നതായി ഐവൈസിസി ബഹ്റൈന്‍ മനാമ ഏരിയ പ്രസിഡന്റ് റാസിബ് വേളം, സെക്രട്ടറി ഷിജില്‍ പെരുമച്ചേരി, ട്രഷറര്‍ ഹാരിസ് മാവൂര്‍ അറിയിച്ചു.
