മനാമ: ബഹ്റൈന്‍ ഒഐസിസിയുടെ മുന്‍ പ്രസിഡന്റും നിലവില്‍ ഗ്ലോബല്‍ കമ്മറ്റിയംഗവുമായ ബിനു കുന്നന്താനത്തിന്റെ തെരഞ്ഞെടുപ്പ് കണ്‍വന്‍ഷന്‍ ഒഐസിസി പത്തനംതിട്ട ജില്ലാ കമ്മറ്റി നടത്തി. ജില്ലാ പ്രസിഡന്റ് അലക്‌സ് മഠത്തില്‍ അദ്ധ്യക്ഷത വഹിച്ച യോഗം ഒഐസിസി നാഷണല്‍ കമ്മറ്റിയുടെ പ്രസിഡന്റ് ഗഫൂര്‍ ഉണ്ണിക്കുളം ഉദ്ഘാടനം ചെയ്തു.
ബഹ്റൈനിലെ രാഷ്ട്രീയ, സാമൂഹിക, സാംസ്‌കാരിക രംഗത്തെ നിറസാന്നിധ്യമായ മുന്‍ കുന്നന്താനം പഞ്ചായത്ത് പ്രസിഡന്റും, നിലവില്‍ ഒഐസിസി ഗ്ലോബല്‍ കമ്മറ്റിയംഗവുമായ ബിനു കുന്നന്താനത്തിന്റെ സ്ഥാനാര്‍ഥിത്വം ബഹ്റൈന്‍ ഒഐസിസിക്ക് കിട്ടിയ അംഗീകരമാണെന്ന് നേതാക്കള്‍ അഭിപ്രായപ്പെട്ടു. ജില്ലയിലെ ഐക്യ ജനാധിപത്യ മുന്നണിയുടെ സ്ഥാനാര്‍ഥികളെ വിജയിപ്പിക്കാന്‍ ആവുന്ന പ്രവര്‍ത്തനങ്ങള്‍ പ്രവാസ ലോകത്ത് നിന്ന് നടത്താന്‍ കണ്‍വന്‍ഷനില്‍ തീരുമാനിച്ചു.
പരമാവധി വോട്ടുള്ള പ്രവാസികളെ നാട്ടില്‍ എത്തിക്കാനും ജില്ലയിലെ അഞ്ച് നിയോജക മണ്ഡലം കമ്മറ്റികളുടെ നേതൃത്വത്തില്‍ അതാത് നിയോജമണ്ഡലത്തിലെ ജില്ലാ പഞ്ചായത്ത് ഡിവിഷന്‍, ബ്ലോക്ക് പഞ്ചായത്ത്, ഗ്രാമ പഞ്ചായത്ത്, മുന്‍സിപ്പാലിറ്റി സ്ഥാനാര്‍ഥികളെ വിജയിപ്പിക്കുവാനുള്ള കര്‍മ്മ പദ്ധതിക്ക് രൂപം കൊടുത്തു. യോഗത്തിന് ജില്ലാ ജനറല്‍ സെകട്ടറി ഷിബു ബഷീര്‍ സ്വാഗതവും, കോശി ഐപ്പ് നന്ദിയും പറഞ്ഞു.
യോഗത്തിന് വര്‍ക്കിംഗ് പ്രസിഡന്റ് ബോബി പാറയില്‍, നാഷണല്‍ കമ്മറ്റിയുടെ ജനറല്‍ സെക്രട്ടറിമാരായ സയ്യിദ് എംഎസ്, ജീസണ്‍ ജോര്‍ജ്, ഷെമിം കെസി, വിനോദ് ഡാനിയേല്‍, റോബി ജോര്‍ജ് തിരുവല്ല, ജില്ലാ കമ്മറ്റി ഭാരവാഹികളായ ജോണ്‍സണ്‍ ടി തോമസ്, അനു തോമസ് ജോണ്‍, ബിബിന്‍ മാടത്തേത്ത്, ഷാജി കെ ജോര്‍ജ്, പാലക്കാട് ജില്ലാ പ്രസിഡന്റ് സല്‍മാനുല്‍ ഫാരിസ്, മലപ്പുറം ജില്ലാ പ്രസിഡന്റ് റംഷാദ് അയിലക്കാട്, തിരുവനന്തപുരം ജില്ലാ പ്രസിഡന്റ് സന്തോഷ് കെ നായര്‍ എന്നിവര്‍ സംസാരിച്ചു
നാഷണല്‍ കമ്മറ്റിയുടെ നേതാക്കന്‍മാരായ മനു മാത്യു, വിഷ്ണു കലഞ്ഞൂര്‍, സിന്‍സണ്‍ പുലിക്കോട്ടില്‍, ഗീരിഷ് കാളിയത്ത്, ജില്ലാ കമ്മറ്റിയുടെ ഭാരാവാഹികളായ അജി പി ജോയ്, ബൈജു ചെന്നിത്തല, മോന്‍സി ബാബു, സന്തോഷ് ബാബു, ബിനു കോന്നി, ജോര്‍ജ് യോഹന്നാന്‍, പ്രിന്‍സ് ബഹ്നാന്‍, ബിനു മാമന്‍, ഷാജി തോമസ്സ്, സിജു ചെറിയാന്‍, സാം മാത്യു, സ്റ്റാലിന്‍ ജോര്‍ജ്, റെജി എം ചെറിയാന്‍, ക്രിസ്റ്റി പി വര്‍ഗ്ഗീസ്, ജെയിംസ് കോഴഞ്ചേരി, സച്ചിന്‍ രാജു, എബിന്‍ മാത്യു ഉമ്മന്‍, നിഥിന്‍ സാമൂവല്‍, കെപി കുഞ്ഞമ്മദ്, അനില്‍ കൊടുവള്ളി എന്നിവര്‍ നേതൃത്വം നല്‍കി.
