മനാമ: ബഹ്റൈനിലെ പ്രമുഖ യുവജന സംഘടനയായ യൂത്ത് ഇന്ത്യയുടെ 2026 -2027 കാലയളവിലേക്കുള്ള ഭാരവാഹികളെ തിരഞ്ഞെടുത്തു. അജ്മൽ ശറഫുദ്ധീൻ അണ് പ്രസിഡൻ്റ്. ബഹ്റൈനിലെ ഇബ്നുൽ ഹൈതം സ്കൂൾ, ഇന്ത്യൻ സ്കൂൾ എന്നിവിടങ്ങളിൽ നിന്നും സ്കൂൾ വിദ്യാഭ്യാസം പൂർത്തിയാക്കിയ ഇദ്ദേഹം കണ്ണൂർ ചക്കരക്കല്ല് സ്വദേശിയാണ്. ബഹ്റൈൻ യൂണിവേഴ്സിറ്റിയിൽ നിന്നും കെമിക്കൽ എഞ്ചിനീയറിംഗിൽ ബിരുദവും കരസ്ഥമാക്കിയിട്ടുണ്ട്. തൃശൂർ കിഴുപ്പിള്ളിക്കര സ്വദേശിയായ സിറാജ് ഹൈദ്രോസാണ് ആണ് ജനറൽ സെക്രട്ടറി. ഇദ്ദേഹം കോമേഴ്സിൽ ബിരുദം നേടിയിട്ടുണ്ട്.
വൈസ് പ്രസിഡന്റ് ആയി ഇജാസ് മൂഴിക്കൽ , ഷൗക്കത്തലി എന്നിവരെയും തിരഞ്ഞെടുത്തു. ജുനൈദ് പി പി ആണ് ജോയിൻ്റ് സെക്രട്ടറി.
അബ്ദുൽ അഹദ്, ഇർഷാദ് , സവാദ് , സാജിർ ഇരിക്കൂർ എന്നിവരെ എക്സിക്യുട്ടീവ് അംഗങ്ങളായും തിരഞ്ഞെടുത്തു. സിഞ്ചിലെ ഫ്രന്റസ് ആസ്ഥാനത്ത് വെച്ച് നടന്ന തിരഞ്ഞെടുപ്പിന് യൂത്ത് ഇന്ത്യ രക്ഷധികാരി സുബൈർ എംഎം, ഫ്രൻ്റ്സ് ജനറൽ സെക്രട്ടറി സഈദ് റമദാൻ നദ്വവി എന്നിവർ നേതൃത്വം നൽകി.
യൂത്ത് ഇന്ത്യയിൽ നിന്നും പ്രായം പൂർത്തിയായി പിരിഞ്ഞു പോകുന്ന മുതിർന്ന പ്രവർത്തകർക്കുള്ള യാത്രയപ്പും ചടങ്ങിൽ വെച്ച് നടന്നു. മുൻ വൈസ് പ്രസിഡന്റ് യൂനുസ് സലിം, അജ്മൽ ഹുസൈൻ , ഹാരിസ് വികെ , ഹസ്സിൻ എന്നിവർക്കുള്ള ഉപഹാരം സുബൈർ എംഎം വിതരണം ചെയ്തു. രക്ഷാധികാരിയുടെ അധ്യക്ഷതയിൽ ചേർന്ന യോഗത്തിൽ അജ്മൽ ശറഫുദ്ധീൻ ആമുഖ ഭാഷണം നടത്തി. സിറാജ് സമാപന പ്രസംഗം നിർവഹിച്ചു.
