മനാമ: പവിഴദ്വീപിലെ കോഴിക്കോട്ടുകള് (കാലിക്കറ്റ് കമ്മ്യൂണിറ്റി ബഹ്റൈന്) കഴിഞ്ഞ മാസം ആരംഭിച്ച ‘ഗാന സല്ലാപ’ത്തിന്റെ ജനുവരി മാസത്തെ എപ്പിസോഡ് വ്യാഴാഴ്ച വൈകീട്ട് 8 മണിക്ക് സെഗയയിലെ ഐമാക് ബഹ്റൈന് മീഡിയ സിറ്റിയില് വെച്ച് നടക്കും. പ്രവാസ ജീവിതത്തില് നഷ്ടപ്പെട്ടുപോയ കോഴിക്കോട് നഗരത്തിലും സമീപ പ്രദേശങ്ങളിലും സജീവമായിരുന്ന പാട്ടുരാവുകളാണ് ബഹ്റൈനില് പവിഴദ്വീപിലെ കോഴിക്കോട്ടുകാര് പുനസൃഷ്ടിക്കുന്നത്.
ബഹ്റൈനിലുള്ള ഗായകരും സംഗീതാസ്വാദകരുമായ ആര്ക്കും പങ്കെടുക്കാവുന്ന രീതിയിലാണ് ‘ഗാന സല്ലാപം’ ഒരുക്കുന്നത്. പരിമിതമായ ആസ്വാദകരേയും പാട്ടുകാരേയും മാത്രമേ ഓരോ എപ്പിസോഡിലും ഉള്പ്പെടുത്താന് സാധിക്കകയുള്ളൂ എന്നതിനാല് ആദ്യം രജിസ്റ്റര് ചെയ്യുന്നവര്ക്കായിരിക്കും ഈ പരിപാടിയില് പങ്കെടുക്കാനുള്ള മുന്ഗണന.
സംഗീതം ഇഷ്ടപ്പെടുന്നവരെയും പാട്ടുകാരെയും ‘ഗാന സല്ലാപ’ ത്തിലേക്ക് സ്വാഗതം ചെയ്യുന്നതായും കൂടുതല് വിവരങ്ങള്ക്കും രജിസ്ട്രേഷനും +973 3435 3639/ +973 3464 6440/ +973 3361 0836 എന്നീ നമ്പറുകളില് ബന്ധപ്പെടണമെന്നും പവിഴ ദ്വീപിലെ കോഴിക്കോട്ടുകാര് ഭാരവാഹികള് പത്ര കുറിപ്പില് അറിയിച്ചു.
