കുവൈത്ത്: ആറു വർഷത്തിനിടെ കുവൈത്തിൽ നിന്ന് നാടുകടത്തിയ ഇന്ത്യാക്കാരുടെ എണ്ണം 36000 ആയി. 29000 പുരുഷന്മാരും 7000 സ്ത്രീകളും ഇതിൽ ഉൾപ്പെടുന്നു. തൊഴിൽനിയമവും താമസനിയമവും ലംഘിച്ചതിനാണ് കൂടുതൽ പേരെയും സ്വന്തം നാടുകളിലേക്ക് തിരിച്ചയച്ചത്. കുവൈത്തിൽ നിന്ന് നാടുകടത്തിയ വിദേശികളിൽ ഏറ്റവും കൂടുതൽ ഇന്ത്യക്കാരാണ്. ഗുരുതരമായ കുറ്റകൃത്യങ്ങൾ ചെയ്തവർ, ഗുരുതരമായ ഗതാഗതനിയമലംഘനം നടത്തിയവർ, സാമ്പത്തിക തട്ടിപ്പുകളും വഞ്ചനയും നടത്തിയവർ, യാചകർ എന്നിവരെയും നാടുകടത്തിയിട്ടുണ്ട്. വൈദ്യ പരിശോധനയിൽ പരാജയപ്പെട്ടവരെയും തിരിച്ചയച്ചിട്ടുണ്ട്. കഴിഞ്ഞ വർഷം ആകെ 17000 പേരെയാണ് നാടുകടത്തിയത്. നാടുകടത്തപ്പെട്ട സ്ത്രീകളിൽ എത്യോപ്യക്കാരാണ് മുമ്പിൽ. 14000 എത്യോപ്യക്കാരാണ് നാടുകടത്തപ്പെട്ടത്.
ലോകോത്തര ബ്രാൻഡ് ‘പാരമൗണ്ട്’ എഫ്.എസ്.ഇ ഇനി ബഹ്റൈനിലെ ടൂബ്ലിയിലും; ഇന്ന് പ്രവർത്തനമാരംഭിക്കുന്നു
November 20, 2024
9:52 am
