മനാമ: കേരളത്തിലുണ്ടായ പ്രളയക്കെടുതിയില്‍ പ്രയാസമനുഭവിക്കുന്നവര്‍ക്കായി ഫ്രൻറ്സ് സോഷ്യല്‍ അസോസിയേഷന്റെ രണ്ടാം ഗഡു കൈമാറി. ബഹ്റൈന്‍ സന്ദര്‍ശിച്ച പീപ്പിള്‍സ് ഫൗണ്ടേഷന്‍ ചെയര്‍മാന്‍ പി. മുജീബുറഹ്മാന് ജനസേവന വിഭാഗം കണ്‍വീനര്‍ പി. മൊയ്തു അഞ്ച് ലക്ഷം രൂപയുടെ ചെക്ക് കൈമാറി. പ്രളയ മേഖലയില്‍ പീപ്പിള്‍സ് ഫൗണ്ടേഷന്‍ നടപ്പാക്കുന്ന 10 കോടിയുടെ പ്രളയ പുനരധിവാസ പദ്ധതിയുമായി ചേര്‍ന്ന് പ്രവര്‍ത്തിക്കുന്നതിനാണ് ചേരുന്നതിനാണ് അസോസിയേഷന്‍ തീരുമാനിച്ചിട്ടുള്ളത്. പ്രസിഡൻറ് ജമാല്‍ നദ്വി, ജനറല്‍ സെക്രട്ടറി എം.എം സുബൈര്‍, വൈസ് പ്രസിഡൻറ് സഈദ് റമദാന്‍ നദ്വി, വനിതാ വിഭാഗം പ്രസിഡൻറ് ജമീല ഇബ്രാഹിം, എക്സിക്യൂട്ടീവ് അംഗങ്ങളായ സി.എം മുഹമ്മദ് അലി, എ. ബദ്റുദ്ദീന്‍ എന്നിവര്‍ ചടങ്ങില്‍ സന്നിഹിതരായിരുന്നു.
ബഹറൈനിൽ മോട്ടോർസൈക്കിളുകളിൽ ഡെലിവറി നടത്തുന്നവർ നിയമലംഘനം നടത്തിയാൽ കർശന നടപടി
February 10, 2025
9:14 am
