സൗദിയിൽ കോവിഡ്-19 ബാധിച്ച് മറ്റൊരു മലയാളി കൂടി മരണപ്പെട്ടു

ജുബൈൽ: സൗദി അറേബ്യയിൽ കോവിഡ്-19 ബാധിച്ച് മറ്റൊരു മലയാളി കൂടി മരണപ്പെട്ടു. തിരുവനന്തപുരം പോത്തൻകോട് പള്ളിപ്പുറം സിആർപിഎഫിന് സമീപം ലക്ഷ്മി എസ്റ്റേറ്റ് റോഡിൽ ഷമീബ് മൻസിലിൽ അബ്ദുറഹ്മാൻ ബഷീർ ആണ് മരിച്ചത്. 60 വയസായിരുന്നു. തിങ്കളാഴ്ച്ച രാത്രിയോടെയാണ് മരണം സംഭവിച്ചതെന്നാണ് ഔദ്യോ​ഗിക വിവരം.

കടുത്ത പനിയും ശ്വാസ തടസവും അനുഭവപ്പെട്ടതിനെ തുടർന്ന് കഴിഞ്ഞ രണ്ടാഴ്ച്ചയായി മുവാസത്ത് ആശുപത്രിയിൽ ചികിത്സയിലായിരുന്നു. ജുബൈലിലെ സ്വകാര്യ കമ്പനിയിൽ ഡ്രൈവറായി ജോലി ചെയ്ത് വരികയായിരുന്നു. ഭാര്യ: ജമീല ബീവി. മക്കൾ: ഷമീബ്, ഷമീർ, മരുമകൾ: ആൻസി.