bahrainvartha-official-logo
Search
Close this search box.

ആദ്യ ബഹിരാകാശ യാത്രയ്‌ക്ക് ഒരുങ്ങി യു.എ.ഇ

hassa

ദുബായ്: യു.എ.ഇ.യുടെ ആദ്യ ബഹിരാകാശ യാത്രയ്ക്കുള്ള ഒരുക്കങ്ങൾ പൂർത്തിയായി. ഹസ്സ അൽ മൻസൂരി കസാഖ്‌സ്താനിലെ ബയ്ക്കനൂർ കോസ്‌മോഡ്രോമിൽ സോയൂസ്-എം.എസ് 15 ബഹിരാകാശ പേടകത്തിലാണ് യാത്ര തിരിക്കുക. രാജ്യത്തിന്റെ ചരിത്രപുസ്തകത്തിൽ പേരെഴുതിച്ചേർക്കാനുള്ള തയ്യാറെടുപ്പിലാണ് ഹസ്സ. യു.എ.ഇ.യുടെ ചരിത്രം, പൈതൃകം, സംസ്കാരം, ചരിത്രം എന്നിവയുമായി ബന്ധപ്പെട്ട പത്ത് കിലോഗ്രാം വസ്തുക്കളാണ് ഹസ്സ ബഹിരാകാശത്തേക്ക് കൊണ്ടുപോകുന്നത്. സെപ്റ്റംബർ 25-ന് യു.എ.ഇ. സമയം വൈകുന്നേരം 5.56- നാണ് യാത്ര ആരംഭിക്കുന്നത്. ബഹിരാകാശത്തേക്ക് പോകുന്ന ആദ്യ അറബ് ബഹിരാകാശ യാത്രികനും ബഹിരാകാശത്ത് എത്തുന്ന 562-ാം വ്യക്തിയുമായിരിക്കും ഹസ്സ അൽ മൻസൂരി. ഒരുവർഷം നീണ്ട തിരഞ്ഞെടുപ്പ് നടപടികൾക്കൊടുവിലാണ് ബഹിരാകാശത്തേക്ക് അയക്കേണ്ട ആദ്യ ഇമിറാത്തികളെ യു.എ.ഇ. തിരഞ്ഞെടുത്തത്. ഈ യാത്രയിലൂടെ ബഹിരാകാശത്തേക്ക് ആളുകളെ അയക്കുന്ന 38-ാം രാജ്യമായി യു.എ.ഇ. മാറും.

ബഹിരാകാശ യാത്രയിൽ ഗാഫ് മരത്തിന്റെ മുപ്പതോളം വിത്തുകൾ, കുടുംബഫോട്ടോ, സ്മരണികകൾ ഉൾപ്പെടെ ഹസ്സയുടെ സ്വകാര്യ വസ്തുക്കൾ, ബഹിരാകാശ യാത്രികർക്കുള്ള പ്രത്യേക ഭക്ഷണം, 1976-ൽ അപ്പോളോ ബഹിരാകാശ യാത്രികരുടെ പ്രതിനിധിയുമായുള്ള യു.എ.ഇ. സ്ഥാപക പിതാവ് ശൈഖ് സായിദിന്റെ ചിത്രം, യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ മൈ സ്റ്റോറിയുടെ പകർപ്പ് എന്നിവ കൊണ്ടുപോകും.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!