ബി.ഡി.കെ – എ.കെ.ഡി.എഫ് സംയുക്തമായി രക്തദാന ക്യാമ്പ് സംഘടിപ്പിച്ചു

മനാമ: ബ്ലഡ്  ഡോണേഴ്സ് കേരള (ബി.ഡി.കെ) ബഹ്‌റൈൻ ചാപ്റ്റർ ഈ വർഷത്തെ ആറാമത്തെ ബ്ലഡ്‌ ഡൊണേഷൻ ക്യാമ്പ് ഓൾ കേരള ഡ്രൈവേഴ്സ് ഫ്രീക്കേഴ്സ് (എ.കെ.ഡി.എഫ്) മായി സഹകരിച്ചു  കിങ് ഹമദ്  ഹോസ്പിറ്റലിൽ  വെച്ചു നടത്തി. ക്യാമ്പിൽ അറുപതോളം പേർ രക്തം ദാനം ചെയ്തു. എ.കെ.ഡി.എഫ് പ്രവർത്തകരായ സിറാജ്ജുദ്ധീൻ, മുഹമ്മദ്‌, വിനോദ്, ബി.ഡി.കെ ബഹ്‌റൈൻ ചാപ്റ്റർ പ്രസിഡന്റ്‌ ഗംഗൻ തൃക്കരിപ്പൂർ, ട്രഷറർ ഫിലിപ്പ് വർഗീസ് ,  എക്സിക്യൂട്ടീവ് അംഗങ്ങളായ സാബു  അഗസ്റ്റിൻ, രേഷ്മ ഗിരീഷ്, അസീസ്  പള്ളം എന്നിവർ ക്യാമ്പിന്  നേതൃത്വം  നൽകി.