യു.എ.ഇ വൈസ് പ്രസിഡൻറും , ഉപപ്രധാനമന്ത്രിയും ദുബായ് ഭരണാധികാരിയുമായ ഷേഖ് മുഹമ്മദ് ബിൻ റാശിദ് ആൽ മക്തും കേരളം സന്ദർശിക്കാനൊരുങ്ങുന്നു. മുഖ്യമന്ത്രി പിണറായി വിജയന്റെ ക്ഷണം സ്വീകരിച്ചാണ് കേരളത്തിൽ എത്തുന്നത്. ഷേഖ് മുഹമ്മദ് ഈ വർഷം തന്നെ കേരളത്തിൽ എത്തുമെന്ന് അറിയിച്ചു.
ഇന്നലെ രാത്രിയാണ് ശൈഖ് മുഹമ്മദുമായി മുഖ്യമന്ത്രി പിണറായി വിജയൻ കൂടിക്കാഴ്ച നടത്തിയത്. അദ്ദേഹം കേരളം സന്ദർശിക്കുന്ന വിവരം പൊതു സമ്മേളനത്തിൽ മുഖ്യമന്ത്രി തന്നെയാണ് അറിയിച്ചത്.
വർഗീയതക്കെതിരെ കടുത്ത നിലപാട് സ്വീകരിക്കേണ്ടതിന്റെ ആവശ്യകതയും മുഖ്യമന്ത്രി ഓർമിപ്പിച്ചു. സ്ത്രീകളും കുട്ടികളും ഉൾപ്പെടെ ആയിരങ്ങളാണ് ദുബൈ ഇത്തിസലാത്ത് അക്കാദമിയിൽ മുഖ്യമന്ത്രിയെ കേൾക്കാനെത്തിയത്.