2021ൽ ട്രാഫിക് വാരാചരണം മെച്ചപ്പെട്ട രൂപത്തില് സംഘടിപ്പിക്കുമെന്നും ആഗോള ആരോഗ്യ വെല്ലുവിളികൾക്കിടയിലാണ് വാരാചരണം വരുന്നതെന്നും ട്രാഫിക് ജനറൽ ബ്രിഗേഡിയർ ഡയറക്ടർ ശൈഖ് അബ്ദുറഹ്മാന് ബിന് അബ്ദുല് വഹാബ് ആല് ഖലീഫ പറഞ്ഞു.
ആഭ്യന്തരമന്ത്രി ലഫ്. കേണല് ശൈഖ് റാഷിദ് ബിന് അബ്ദുല്ല ആല് ഖലീഫയുടെ നിര്ദേശപ്രകാരം ട്രാഫിക് മേഖലയില് ശക്തമായ ബോധവത്കരണം നടത്തുകയും അതിന്റ് ഫലമായി റോഡപകടങ്ങള് കുറയുകയും ചെയ്തിട്ടുണ്ടെന്ന് അദ്ദേഹം പറഞ്ഞു.
ഇന്ന് മാർച്ച്7 ഞായറാഴ്ച മുതൽ മാർച്ച് 11 വരെയാണ് ഈ വർഷത്തെ ട്രാഫിക് വാരാചരണം. ഇ-സേവനങ്ങൾ, ട്രാഫിക് അവബോധം, പൊതുജനങ്ങളുടെ പങ്കാളിത്തം എന്നിവയിൽ ഡയറക്ടറേറ്റ് നേട്ടം കൈവരിച്ചതായി അദ്ദേഹം പറഞ്ഞു. ട്രാഫിക് അവബോധം പ്രോത്സാഹിപ്പിക്കുന്നതിനായി കഴിഞ്ഞ 30 വർഷമായി തുടരുന്ന മാധ്യമ പ്രചാരണങ്ങളെക്കുറിച്ചും ഇ-സേവനങ്ങളുടെ ആവശ്യം 43% വർദ്ധിച്ചതായും അദ്ദേഹം പറഞ്ഞു. വിവിധ സാമൂഹിക സംഘടനകളുമായും സര്ക്കാര് അതോറിറ്റികളും മന്ത്രാലയങ്ങളുമായും സഹകരിച്ച് ട്രാഫിക് വാരാചരണം വിജയിപ്പിക്കുമെന്നും അദ്ദേഹം കൂട്ടിച്ചേര്ത്തു.