മനാമ: ബഹ്റൈനിലെ 1000 ദിനാർ പ്രതിമാസ ശമ്പളം ഉള്ള പ്രവാസി ജോലിക്കാർക്ക് മാതാപിതാക്കളെയോ 24 വയസ്സിന് മുകളിൽ പ്രായമുള്ള മക്കളെയോ സ്പോൺസർ ചെയ്യാമെന്ന് ആഭ്യന്തര മന്ത്രി ലഫ്. ജനറൽ ശൈഖ് റാഷിദ് ബിൻ അബ്ദുല്ല ആൽ ഖലീഫ അറിയിച്ചു. ഇവർ ആരോഗ്യ ഇൻഷുറൻസ് പദ്ധതിയും എടുത്തിരിക്കണം. പ്രതിമാസം 400 ദിനാർ ശമ്പളം ഉള്ളവർക്ക് പങ്കാളിയെയും 24 വയസ്സിൽ താഴെയുള്ള കുട്ടികളെയും സ്പോൺസർ ചെയ്യാം. നേരത്തെ ഇത് 250 ദിനാർ ആയിരുന്നു.
