മനാമ: 10 രാജ്യങ്ങളിൽനിന്നുള്ള 61 ഇനം മാമ്പഴങ്ങളുമായി ലുലു ഹൈപ്പർമാർക്കറ്റിൽ ‘മാംഗോ മാനിയ’ എന്ന പേരിൽ മാമ്പഴ മേളക്ക് തുടക്കമായി. ജൂൺ 5 ന് ആരംഭിച്ച മേള ജൂൺ 12 വരെ തുടരും. മാങ്ങ അച്ചാർ, ഡെസേർട്ട് തുടങ്ങിയ മാമ്പഴ വിഭവങ്ങളും ‘മാംഗോ മാനിയ’യുടെ ആകർഷണമാകും. ഒപ്പം തന്നെ ലുലു ഹോട് ഫുഡ് ആൻറ് കോൾഡ് ഫുഡ് വിഭാഗത്തിൽ മാങ്ങ മീൻ കറി, മാങ്ങ ചിക്കൻ കറി, മാങ്ങ പൂരി തുടങ്ങിയ വിഭവങ്ങളും ആസ്വദിക്കാം.
ഇന്ത്യ, പാകിസ്താൻ, ശ്രീലങ്ക, ഉഗാണ്ട, വിയറ്റ്നാം, ഇന്തോനേഷ്യ, കെനിയ, തായ്ലൻഡ്, യെമൻ, കൊളംബിയ എന്നിവിടങ്ങളിൽനിന്നുള്ള മാമ്പഴങ്ങളാണ് പ്രധാനമായും മേളയിൽ എത്തിയിരിക്കുന്നത്.
ദാന മാളിൽ നടന്ന ചടങ്ങിൽ ഇന്ത്യൻ അംബാസഡർ പിയൂഷ് ശ്രീവാസ്തവ മേള ഉദ്ഘാടനം ചെയ്തു. ലുലു ഗ്രൂപ്പ് ഡയറക്ടർ ജുസെർ രൂപവാലയും മുതിർന്ന ഉദ്യോഗസ്ഥരും ചടങ്ങിൽ സന്നിഹിതരായിരുന്നു. ഈ വർഷത്തെ മാംഗോ മാനിയ ഉദ്ഘാടനം ചെയ്യാൻ കഴിഞ്ഞതിൽ സന്തോഷമുണ്ടെന്ന് ഇന്ത്യൻ അംബാസഡർ പിയൂഷ് ശ്രീവാസ്തവ പറഞ്ഞു. ബഹ്റൈൻ – ഇന്ത്യൻ സമൂഹങ്ങൾക്ക് ഒരുപോലെ ഈ മേള ആസ്വാദ്യകരമാകുമെന്നും അദ്ദേഹം കൂട്ടിച്ചേർത്തു.
