നിയന്ത്രണങ്ങൾ ഫലപ്രദം: കോവിഡ് കേസുകൾ കുറഞ്ഞ ആശ്വാസത്തിൽ ബഹ്റൈൻ

മനാമ: ബഹ്റൈനിൽ കോവിഡ് പ്രതിരോധ നടപടികളുടെ ഭാഗമായി പ്രഖ്യാപിച്ച ഭാഗിക അടച്ചിടൽ ഒരു മാസത്തോടടുക്കുമ്പോൾ പ്രതിദിന കോവിഡ് കേസുകളുടെ എണ്ണത്തിൽ ഗണ്യമായ കുറവാണ് രേഖപ്പെടുത്തിയത്. കോ​വി​ഡ്​ ര​ണ്ടാം ത​രം​ഗം രൂ​ക്ഷ​മാ​യ​തി​നെ​ത്തു​ട​ർ​ന്ന്​ മേ​യ്​ 28 മു​ത​ലാ​ണ്​ രാ​ജ്യ​ത്ത്​ ഭാ​ഗി​ക അ​ട​ച്ചി​ട​ൽ ന​ട​പ്പാ​ക്കി​യ​ത്. ആദ്യ ഘട്ടത്തിൽ ജൂൺ 10 വരെ പ്രഖ്യാപിച്ചിരുന്ന നിയന്ത്രണങ്ങൾ പിന്നീട് ജൂൺ 25 വരെയും ഫലപ്രദ മാർഗമെന്ന് കണ്ടതിനെ തുടർന്ന് ജൂലൈ 2 വരെയും ദീർഘിപ്പിക്കുകയായിരുന്നു.

അ​വ​ശ്യ സേ​വ​നം ഒ​ഴി​കെ എ​ല്ലാ മേ​ഖ​ല​ക​ളും അ​ട​ച്ചി​ട്ടുകൊണ്ടായിരുന്നു നിയന്ത്രണങ്ങൾ ആരംഭിച്ചത്. കോവിഡ് കേസുകൾ കുത്തനെ ഉയർന്ന ഇന്ത്യ ഉൾപ്പടെയുള്ള രാജ്യങ്ങളെ റെ​ഡ്​​ലി​സ്റ്റിൽ ഉൾപ്പെടുത്തി യാ​​ത്ര​ക്കാ​ർ​ക്കും പ്രവേശന നി​യ​ന്ത്ര​ണം ഏ​ർ​പ്പെ​ടു​ത്തി. റ​സ്​​റ്റാ​റ​ൻ​റു​ക​ളി​ലും ക​ഫേ​ക​ളി​ലും ഡെ​ലി​വ​റി/​ടേ​ക്​ എ​വേ മാ​ത്ര​മാ​ക്കി. കൃ​ത്യ​മാ​യ മു​ന്നൊ​രു​ക്ക​​ത്തോ​ടെ ര​ണ്ടാം ത​രം​ഗ​ത്തെ നേ​രി​ട്ട ബ​ഹ്​​റൈ​ൻ ഭ​ര​ണ​കൂ​ട​ത്തിൻറെ തീ​രു​മാ​ന​ങ്ങ​ൾ ശ​രി​വെ​ക്കു​ന്ന​താ​യിരുന്നു​ തു​ട​ർ ക​ണ​ക്കു​ക​ൾ.

നിയന്ത്രണങ്ങൾ തുടങ്ങിയ മെയ് 28ന് 2957 പുതിയ കേസുകളാണ് രാജ്യത്ത് റിപ്പോർട്ട് ചെയ്തത്. 21 പേർ കോവിഡ് ബാധിച്ച് മരിച്ചിരുന്നു. ആകെ ആക്ടിവ് കേസുകളുടെ എണ്ണം 28,073 ആയിരുന്നു. എന്നാൽ, ഏകദേശം ഒരു മാസം പിന്നിട്ട് ജൂൺ 26 ആയപ്പോൾ പ്രതിദിന കേസുകൾ കുത്തനെ കുറഞ്ഞു. 302 പുതിയ കേസുകൾ മാത്രമാണ് ശനിയാഴ്ച റിപോർട്ട് ചെയ്തത്. വെള്ളിയാഴ്ച ഒരു മരണം മാത്രമാണുണ്ടായത്. ആക്ടീവ കേസുകൾ 4420 ആയി കുറയുകയും ചെയ്തു. ഭീതിപ്പെടുത്തുന്ന നാളുകളിൽ നിന്ന് ആശ്വാസത്തിന്റെ ദിനങ്ങളിലേക്ക് എത്തിയതിന്റെ സമാധാനത്തിലാണ് രാജ്യത്തെ ജനങ്ങൾ. ശക്തമായ നിയന്ത്രണങ്ങൾക്കൊപ്പം ജനങ്ങളുടെ സഹകരണവും രോഗവ്യാപനം കുറയ്ക്കാൻ സഹായിച്ചു.
മെയ് 29നാണ് രാജ്യത്ത് ഏറ്റവും ഉയർന്ന പ്രതിദിന കേസുകൾ റിപ്പോർട്ട് ചെയ്തത്. 3274 പേർക്കാണ് അന്ന് പുതുതായി രോഗം ബാധിച്ചത്.

ഏ​റ്റ​വും കൂ​ടു​ത​ൽ പ്ര​തി​ദി​ന മ​ര​ണം സം​ഭ​വി​ച്ച​ത്​ ജൂ​ൺ ഒ​ന്നി​നാ​യിരുന്നു. 29 പേ​രാ​ണ്​ അ​ന്ന്​ കോ​വി​ഡ്​ ബാ​ധി​ച്ച്​ മ​രി​ച്ച​ത്. രോ​ഗ​സ്​​ഥി​രീ​ക​ര​ണ നി​ര​ക്ക്​ ഏ​റ്റ​വും കൂ​ടു​ത​ൽ റി​പ്പോ​ർ​ട്ട്​ ചെ​യ്​​ത​ത്​ മേ​യ്​ 29നാ​ണ്. 17.55 ശ​ത​മാ​ന​മാ​യി​രു​ന്നു അ​ന്ന​ത്തെ രോ​ഗ​സ്​​ഥി​രീ​ക​ര​ണ നി​ര​ക്ക്. എ​ന്നാ​ൽ, ജൂ​ൺ 26ന്​ ​ഇ​ത്​ 2.29 ശ​ത​മാ​ന​ത്തി​ലെ​ത്തി.

ശക്തമായ നിയന്ത്രണങ്ങൾ ഒന്നുകൊണ്ട് മാത്രം രോഗവ്യാപനം ക്രമാനുഗതമായി കുറയുന്ന കാഴ്ചയായിരുന്നു പിന്നീട് കണ്ടത്. ജൂൺ രണ്ടിന് പുതിയ കേസുകളുടെ എണ്ണം 2000 ന് താഴെയും ജൂൺ 11ന് പുതിയ കേസുകൾ 1000ന് താഴെയും എത്തി. ജൂൺ 18 മുതൽ 500 ൽ താഴെ മാത്രമാണ് പ്രതിദിന കേസുകൾ സ്ഥിരീകരിക്കുന്നത് എന്ന ആശ്വാസവുമുണ്ട്. ജൂ​ലൈ ര​ണ്ട്​ വ​രെ​യാ​ണ്​ നി​ല​വി​ൽ നി​യ​ന്ത്ര​ണ​ങ്ങ​ൾ. തു​ട​ർ​ന്ന്​ സാ​ഹ​ച​ര്യം വി​ല​യി​രു​ത്തി വി​വി​ധ മേ​ഖ​ല​ക​ൾ തു​റ​ക്കു​ന്ന​ത്​ പ​രി​ഗ​ണി​ക്കു​മെ​ന്നാ​ണ്​ അ​ധി​കൃ​ത​ർ അ​റി​യി​ച്ചി​ട്ടു​ള്ള​ത്.