മനാമ: കോവിഡ് ബാധിച്ച് ചികിത്സയിലായിരുന്ന തൃശൂർ സ്വദേശി ബഹ്റൈനിൽ നിര്യാതനായി. കൊടുങ്ങല്ലൂരിനടുത്ത് പാതാഴക്കാട് മുള്ളൻബസാർ ബീരാൻറെ മകൻ ഷഫീർ ഉണ്ണിയാമ്പത്ത് ആണ് മരിച്ചത്.43 വയസായിരുന്നു. റിഫയിൽ അബ്ദുല്ല സെന്ററിൽ ടൈലർ ആയി ജോലി ചെയ്തു വരികയായിരുന്നു. സിത്ര കോവിഡ് സെൻററിൽ ചികിത്സയിലായിരുന്ന ഇദ്ദേഹത്തെ കഴിഞ്ഞ ദിവസം സൽമാനിയ മെഡിക്കൽ കോംപ്ലക്സിലേക്ക് മാറ്റിയിരുന്നു. മാതാവ്: ഫാത്തിമ, ഭാര്യ: സാബിറ, മക്കൾ: അഫ്‌നിത, അഫ്നാസ്.
സഹോദരങ്ങൾ: ഐഷാബി, കൊച്ചലീമ, മുഹമ്മദ്, ഖദീജാബി, സീനത്ത്
ഇന്ത്യൻ സോഷ്യൽ ഫോറം മയ്യിത്തു പരിപാലന കമ്മിറ്റിയുടെ നേതൃത്വത്തിൽ നടപടിക്രമങ്ങൾ സ്വീകരിച്ചുവരുന്നതായി ഭാരവാഹികൾ അറിയിച്ചു.
