ഇന്ത്യൻ കമ്യൂണിറ്റി റിലീഫ് ഫണ്ട് ൻറെ വാർഷിക വേനൽക്കാല പ്രത്യേക പരിപാടിയായ ഐ.സി.ആർ.എഫ് തേസ്റ്റ് ഖ്വഞ്ചേഴ്സ് 2021ന് കീഴിൽ തൊഴിലാളികൾക്ക് കുപ്പിവെള്ളവും പഴങ്ങളും വിതരണം ചെയ്യുന്നത് തുടരുന്നു. ട്യൂബ്ലിയിലെ വർക്ക് സൈറ്റിലാണ് ഈ വർഷത്തെ രണ്ടാമത്തെ പരിപാടി നടന്നത്.
ബഹ്റൈനിലെ ബൊഹ്റ കമ്യൂണിറ്റിയുടെ സഹായത്തോടെയാണ് വെള്ളവും പഴങ്ങളും കോവിഡ് മുൻകരുതലുകൾ വിശദീകരിക്കുന്ന ഫ്ലയറുകളും വിതരണം ചെയ്തത്. കോവിഡ് പ്രോട്ടോകോൾ പാലിച്ച് സംഘടിപ്പിച്ച പരിപാടിയിൽ ഐ.സി.ആർ.എഫ് തേസ്റ്റ് ഖ്വഞ്ചേഴ്സ് കൺവീനർ സുധീർ തിരുനിലത്ത്, വളൻറിയർമാരായ മുരളീകൃഷ്ണൻ, നിഷ രംഗരാജൻ, ആരതി രംഗരാജൻ, രമൺ പ്രീത് എന്നിവർ പങ്കെടുത്തു.