മനാമ: ആരോഗ്യ മേഖലയിലെ സഹകരണ സാധ്യതകൾ ചർച്ച ചെയ്യാൻ ആരോഗ്യ മന്ത്രി ഫാഇഖ ബിൻത് സഈദ് അസ്സാലിഹ് ബഹ്റൈനിലെ ഇസ്രായേൽ ഷർഷെ ദഫെ ഐറ്റെ ടാഗ്നറുമായി കൂടിക്കാഴ്ച നടത്തി.
ബഹ്റൈനും ഇസ്രായേലും തമ്മിലുള്ള ബന്ധം ശക്തിപ്പെടുത്തുന്നതിനുള്ള ടാഗ്നറുടെ ശ്രമങ്ങളെ അസാലിഹ് പ്രശംസിച്ചു. പരസ്പര താൽപര്യമുള്ള മേഖലകളിൽ സഹകരണം ദൃഢമാക്കുന്നതിെൻറ പ്രാധാന്യവും അവർ എടുത്തുപറഞ്ഞു.
ധാരണാപത്രങ്ങളിലൂടെ സഹകരണം വികസിപ്പിക്കുന്നതിനും ആരോഗ്യ മേഖലയിലെ പരസ്പര പിന്തുണയ്ക്ക് സംഭാവന നൽകാനുള്ള ശ്രമങ്ങൾ ശക്തിപ്പെടുത്തുന്നതിനുമുള്ള പ്രധാന്യത്തെ കുറിച്ച് ഇസ്രായേലി നയതന്ത്രജ്ഞൻ ചർച്ചയിൽ ഊന്നിപ്പറഞ്ഞു.
