മനാമ: വോയ്സ് ഓഫ് മാമ്പ ബഹ്റൈൻറെ സ്പോർട്സ് വിഭാഗം മാമ്പ ചലഞ്ചേഴ്സിൻറെ ജഴ്സി പ്രകാശനം സാമൂഹിക പ്രവർത്തകൻ നജീബ് കടലായി മാമ്പ ചലഞ്ചേഴ്സ് സ്പോർട്സ് കമ്മിറ്റി ചെയർമാൻ ഇഖ്ബാലിന് നൽകി നിർവഹിച്ചു.
ടീം മെംബർമാർക്കുള്ള ജഴ്സി പി.കെ. മുഹമ്മദ് അലി, ബഷീർ കേളോത്ത് എന്നിവർ വിതരണം ചെയ്തു. കുടുംബ സംഗമം ഒക്ടോബർ അവസാനം നടത്താൻ തീരുമാനിച്ചു.
ഇതോടനുബന്ധിച്ച് ബഹ്റൈൻ വിദ്യാർഥികൾക്കായി ഓൺലൈൻ കലാ മത്സരങ്ങൾ സംഘടിപ്പിക്കും. പരിപാടികളുടെ നടത്തിപ്പിന് പി.കെ. മുഹമ്മദ് അലി ചെയർമാനും ഇക്ബാൽ ചെട്ടിയാരത് ജനറൽ കൺവീനറുമായി സ്വാഗതസംഘം രൂപീകരിച്ചു.