മനാമ: ബഹ്റൈനിൽ 6,581 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ഫെബ്രുവരി 9ന് 24 മണിക്കൂറിനിടെ 29,312 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി വൈറസ്ബാധ സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 60,071 ആയി.
അതേസമയം 7,489പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 380,336 ആയി ഉയർന്നു. ഇന്നലെ രേഖപ്പെടുത്തിയ 2 മരണങ്ങളടക്കം രാജ്യത്തെ ആകെ കോവിഡ് മരണ സംഖ്യ 1,418 ആയി. 9,051,019 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.
പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,227,305 പേർ ഇതുവരെ ഓരോ ഡോസും 1,197,343 പേർ രണ്ട് ഡോസും 950,713 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.
