മനാമ: കഴിഞ്ഞ ദിവസം പ്രദർശനത്തിനെത്തിയ ബി. ഉണ്ണികൃഷ്ണന്‍ സംവിധാനം ചെയ്ത മോഹന്‍ലാല്‍ ചിത്രം ആറാട്ട് ബഹ്റൈനിലെ മോഹന്‍ലാല്‍ ആരാധകരും സിനിമാ പ്രേക്ഷകരും ഇരുകൈയും നീട്ടി സ്വീകരിച്ചു. അതിരാവിലെ അല്‍ ഹംറ തിയറ്ററില്‍ തുടങ്ങിയ ഫാന്‍സ് ഷോയിലൂടെ പവിഴദ്വീപിലെ ആറാട്ടിന് തുടക്കമിട്ടു. രണ്ടു വര്‍ഷങ്ങള്‍ക്ക് ശേഷം ഗ്രീന്‍ സോണ്‍ ആയി പ്രഖ്യാപിച്ച രാജ്യത്തെ തിയറ്ററുകളില്‍ ആദ്യമായി വീണ്ടും ഹൗസ്ഫുള്‍ ഷോകളും എക്സ്ട്രാ ഷോകളും നിറഞ്ഞാടി.
കിടിലന്‍ മാസ് ചിത്രം എന്നാണ് പ്രേക്ഷക അഭിപ്രായം. അല്‍ ഹംറ തിയറ്ററില്‍ നടന്ന ഫാന്‍സ് ഷോക്ക് പ്രസിഡന്റ് എഫ്.എം. ഫൈസല്‍, കോഓഡിനേറ്റര്‍ ജഗത്കൃഷ്ണകുമാര്‍, സെക്രട്ടറി ഷൈജു കന്‍പ്രത്ത്, മറ്റു ഭാരവാഹികളായ ഗോപേഷ് മേലോട്, അരുന്‍ ജി. നെയ്യാര്‍, ജസ്റ്റിന്‍ ഡേവിസ്, അരുണ്‍ ജി. നെയ്യാര്‍, ഡിറ്റോ ഡേവിസ്, ഗോപേഷ് മേലോട്, വൈശാഖ് അജിഷ്മാത്യു, കിരീടം ഉണ്ണി, ഹരികൃഷ്ണന്‍ എന്നിവര്‍ നേതൃത്വം നല്‍കി.
