മനാമ: ബഹ്‌റൈൻ പാടൂർ അസ്സോസിയേഷൻ “ബാപ്പ” അൽ ഹിലാൽ ഹോസ്പിറ്റലുമായി ചേർന്ന് നടത്തിയ മെഗാ മെഡിക്കൽ ക്യാമ്പ് ജന ബാഹുല്യം കൊണ്ട് ശ്രദ്ധേയമായി. രാവിലെ 8 മുതൽ തുടങ്ങിയ മെഡിക്കൽ ക്യാമ്പ് 1മണി വരെ നീണ്ടു.
സ്ത്രീകളും കുട്ടികളും അടക്കം മുന്നോറോളം പേർ പങ്കെടുത്ത ക്യാമ്പ് ബഹ്‌റൈനിലെ സാമൂഹ്യ പ്രവർത്തകൻ ബഷീർ അമ്പലായി ഉദ്ഘാടനം നിർവഹിച്ചു.
K.T.സലീം ആശംസകൾ അർപ്പിച്ചു. അൽ ഹിലാൽ ഹോസ്പിറ്റൽ ബ്രാഞ്ച് ഹെഡ് ലിജോ, ബാപ്പ പ്രസിഡന്റ്‌ എൻ. കെ. അഷ്‌റഫ്‌,സെക്രട്ടറി അഷ്‌റഫ്‌ പാടൂർ, റഫീക്ക് അബ്ദുള്ള, റഫീഖ് അഹമ്മദ്‌,രമേശ് പാടൂർ, അബ്ദുൾ ഗഫൂർ അബ്ദുൾ റസാക്ക്, ശമ്മാസ്, ഷഹബാസ്, അഫ്സൽ, സാദിഖ്‌ തങ്ങൾ, സലീം അക്ബർ, ഹിജാസ്, അഫ്സർ, ഷാജഹാൻ, തുടങ്ങിയ ബാപ്പ അംഗങ്ങളും പങ്കെടുത്തു.
ഈ മെഗാ മെഡിക്കൽ ക്യാമ്പിനു സഹകരിച്ച ഹോസ്പിറ്റൽ മാനേജ് മെന്റിനും, സാമൂഹ്യ പ്രവർത്തകർക്കും, ഇതിൽ പങ്കെടുത്തു വിജയിപ്പിച്ച ഓരോരുത്തർക്കും ബാപ്പ സെക്രട്ടറി നന്ദി പറഞ്ഞു.
