മനാമ: കേരളപ്പിറവിദിനത്തോടനുബന്ധിച്ച് പ്രവാസി വെൽഫെയർ ഒന്നിപ്പ് എന്ന പേരിൽ ബഹ്റൈനിലെ സാമൂഹിക ജീവകാരുണ്യ മേഖലകളിൽ പ്രവർത്തിക്കുന്ന ജില്ലാ അസോസിയേഷനുകളുടെ സംഗമം സംഘടിപ്പിക്കുന്നു.
നവംബർ മൂന്ന് വെള്ളിയാഴ്ച വൈകുന്നേരം ആറുമണിക്ക് സിഞ്ചിലുള്ള പ്രവാസി സെൻററിൽ നടക്കുന്ന ഒന്നിപ്പിൽ ജില്ലാ അസോസിയേഷനുകളുടെ പ്രതിനിധി സംഗമവും കേരളത്തെ കുറിച്ചുള്ള പുതിയ പ്രതീക്ഷകളും വിലയിരുത്തലുകളും പങ്കുവയ്ക്കുന്ന നവകേരളം ചർച്ചാ സദസ്സും കലാ സാംസ്കാരിക സദസ്സും ഉണ്ടായിരിക്കുമെന്ന് പ്രവാസി വെൽഫെയർ ജനറൽ സെക്രട്ടറി സി. എം. മുഹമ്മദലി അറിയിച്ചു.
