മനാമ: ബഹ്റൈനിലെ പ്രമുഖ ആഭരണ വിപണന ശൃംഖലകളായ ലൈഫ് സ്റ്റൈൽ ഫൈൻ ജ്വല്ലറിയുടെയും കൊറോണറ്റ് ബുട്ടീക്കിന്റെയും 15-ാം വാർഷികാഘോഷങ്ങൾക്ക് പ്രൗഢോജ്ജ്വല തുടക്കം. ആഘോഷത്തിന്റെ ഭാഗമായി ഉപഭോക്താക്കൾക്കായി ‘ആനിവേഴ്സറി ക്യാമ്പയിൻ’ എന്ന പേരിൽ ആകർഷകമായ ഓഫറുകളാണ് ഷോറൂമുകളിൽ ഒരുക്കിയിരിക്കുന്നത്.
നാച്ചുറൽ സർട്ടിഫൈഡ് ഡയമണ്ട് ആഭരണങ്ങൾ, സോളിറ്റയറുകൾ, പ്രമുഖ അന്താരാഷ്ട്ര ബ്രാൻഡുകളുടെ ആഡംബര വാച്ചുകൾ എന്നിവയ്ക്ക് ഓഫർ കാലയളവിൽ 70 ശതമാനം വരെ വിലക്കിഴിവ് ലഭിക്കും.
ക്രിസ്റ്റ്യൻ ബെർണാഡ്, ബെന്റ്ലി, കൊറോണറ്റ് തുടങ്ങിയ ഡയമണ്ട് വാച്ച് ബ്രാൻഡുകളും ലീ കൂപ്പർ, പോളോ, ടൊർണാഡോ തുടങ്ങിയ ജനപ്രിയ ഫാഷൻ വാച്ച് ബ്രാൻഡുകളും പ്രത്യേക ഓഫർ നിരക്കിൽ ലഭ്യമാണ്. പരിമിതകാല ഓഫർ ഈ മാസാവസാനം വരെ മാത്രമായിരിക്കുമെന്ന് മാനേജ്മെന്റ് അറിയിച്ചു.
2011-ൽ റംലി മാളിൽ ആദ്യ ശാഖ തുറന്നാണ് ലൈഫ് സ്റ്റൈൽ ഫൈൻ ജ്വല്ലറി പ്രവർത്തനം ആരംഭിച്ചത്. നിലവിൽ റംലി മാളിലും സീഫ് മാൾ മനാമയിലും ശാഖകളുണ്ട്. കൊറോണറ്റ് ബുട്ടീക്കുകൾ സീഫ് മാൾ മനാമ (ഗേറ്റ് നമ്പർ 3), ബഹ്റൈൻ സിറ്റി സെന്റർ, മറാസി ഗലേറിയ എന്നിവിടങ്ങളിൽ പ്രവർത്തിക്കുന്നു.
ദുബായ് ആസ്ഥാനമായ ലൈഫ് സ്റ്റൈൽ ഫൈൻ ജ്വല്ലറിക്ക് യു.എ.ഇയിൽ മാത്രം 20-ലധികം ഔട്ട്ലെറ്റുകളുണ്ട്.









