മനാമ: നീണ്ട നാൽപ്പത്തി ഒന്ന് വർഷത്തെ പ്രവാസ ജീവിതത്തിന് ശേഷം നാട്ടിലേക്ക് പോകുന്ന മൊയ്ദീൻ പേരാമ്പ്രക്ക് തണൽ ബഹ്റൈൻ ചാപ്റ്റർ യാത്രയയപ്പ് നൽകി. ചാപ്റ്റർ പ്രസിഡണ്ട് നജീബ് കടലായി അദ്ധ്യക്ഷത വഹിച്ച ചടങ്ങിൽ ജനറൽ സെക്രട്ടറി മുജീബ് മാഹി സ്വാഗതം പറഞ്ഞു.
നിരവധി ജീവകാരുണ്യ പ്രവർത്തനങ്ങളിൽ സജീവമായ പങ്കെടുക്കുന്ന മൊയ്ദീൻ തണലിന്റെ കൂടെയുള്ള പ്രയാണം നാട്ടിലും തുടരണമെന്ന് ആശംസകൾ അർപ്പിച്ചു സംസാരിച്ച നജീബ് കടലായി, യു.കെ. ബാലൻ, മുജീബ് മാഹി, റഷീദ് മാഹി, ലത്തീഫ് ആയഞ്ചേരി, നൗഷാദ് മഞ്ഞപ്പാറ എന്നിവർ അഭ്യർത്ഥിച്ചു. തണലിന്റെ തുടക്കം മുതൽ കൂടെയുള്ള അദ്ദേഹത്തിന്റെ തിരിച്ചു പോക്ക് തീർച്ചയായും ഒരു നഷ്ടം തന്നെ ആണെന്നും അവർ കൂട്ടിച്ചേർത്തു.
മറുപടി പ്രഭാഷണം നിർവഹിച്ച മൊയ്ദീൻ പേരാമ്പ്ര, ജീവകാരുണ്യ പ്രവർത്തനങ്ങളിൽ നാട്ടിലും തന്റെ സജീവമായ പങ്കാളിത്തം ഉണ്ടകുമെന്ന് ഉറപ്പ് നൽകി. ജമാൽ കുറ്റിക്കാട്ടിൽ നന്ദി പറഞ്ഞു.
