മനാമ: 2026-ലെ ആദ്യ അഞ്ച് മാസങ്ങളിലായി ഇന്ത്യയിൽ നിന്ന് 111.19 ദശലക്ഷം ബഹ്റൈനി ദിനാർ (BD) മൂല്യം വരുന്ന ഉൽപ്പന്നങ്ങൾ ബഹ്റൈൻ ഇറക്കുമതി ചെയ്തതായി പുതിയ സ്ഥിതിവിവരക്കണക്കുകൾ വ്യക്തമാക്കുന്നു. ആകെ 282 ദശലക്ഷം കിലോഗ്രാം തൂക്കം വരുന്ന ചരക്കുകളാണ് ഇക്കാലയളവിൽ ഇന്ത്യയിൽ നിന്ന് രാജ്യത്ത് എത്തിയത്.
ഇറക്കുമതി ചെയ്ത ഉൽപ്പന്നങ്ങളിൽ മൂല്യത്തിലും അളവിലും ഏറ്റവും മുന്നിൽ നിൽക്കുന്നത് അലുമിനിയം ഉൽപ്പാദനത്തിനായുള്ള പദാർത്ഥമായ ‘അലുമിന’ ആണ്. 11.86 ദശലക്ഷം ദിനാർ മൂല്യം വരുന്ന 67.2 ദശലക്ഷം കിലോഗ്രാമിലധികം അലുമിനയാണ് ബഹ്റൈൻ വാങ്ങിയത്.
മറ്റ് പ്രധാന ഇറക്കുമതി ഉൽപ്പന്നങ്ങൾ:
-
അൺറോട്ട് അലുമിനിയം (Unwrought Aluminium): 6.16 ദശലക്ഷം ദിനാർ (4.87 ദശലക്ഷം കിലോഗ്രാം).
-
അലുമിനിയം വയർ (Aluminium Wire): 6.12 ദശലക്ഷം ദിനാർ (4.74 ദശലക്ഷം കിലോഗ്രാം).
-
ഇരുമ്പ്, ഉരുക്ക് ഉൽപ്പന്നങ്ങൾ (Semi-finished Iron & Steel): 5.14 ദശലക്ഷം ദിനാർ (33.12 ദശലക്ഷം കിലോഗ്രാം).
-
ബോൺലെസ്സ് ബീഫ് (Frozen Boneless Beef): 4.15 ദശലക്ഷം ദിനാർ (2.08 ദശലക്ഷം കിലോഗ്രാമിലധികം).
-
കാസ്റ്റ് അയൺ പൈപ്പുകൾ (Cast-iron Pipes & Tubes): 3.19 ദശലക്ഷം ദിനാർ (14.59 ദശലക്ഷം കിലോഗ്രാം).
തൂക്കവുമായി താരതമ്യം ചെയ്യുമ്പോൾ മൂല്യത്തിൽ ഏറ്റവും മുന്നിൽ നിൽക്കുന്നത് സ്വർണ്ണാഭരണങ്ങളാണ് (Gold Jewellery). കേവലം 46 കിലോഗ്രാം തൂക്കം വരുന്ന സ്വർണ്ണാഭരണങ്ങൾക്ക് 1.86 ദശലക്ഷം ദിനാറാണ് രേഖപ്പെടുത്തിയത്. കൂടാതെ, 1.77 ദശലക്ഷം ദിനാർ മൂല്യമുള്ള മരുന്നുകളും (Pharmaceutical products – 90,500 കിലോഗ്രാം), 1501cc മുതൽ 3000cc വരെയുള്ള എൻജിൻ ശേഷിയുള്ള 1.56 ദശലക്ഷം ദിനാർ മൂല്യം വരുന്ന സ്വകാര്യ കാറുകളും ബഹ്റൈൻ ഇന്ത്യയിൽ നിന്ന് ഇറക്കുമതി ചെയ്തിട്ടുണ്ട്. ഇരുരാജ്യങ്ങളും തമ്മിലുള്ള ശക്തമായ വ്യാപാര ബന്ധത്തെ അടിവരയിടുന്നതാണ് ഈ പുതിയ കണക്കുകൾ.
