ബഹ്‌റൈനിലെ വനിതാ പോലീസ് ഉദ്യോഗസ്ഥർ ഇനിമുതൽ പുതിയ റോളിൽ

മനാമ: ഒരു വർഷത്തിലേറെയായി ട്രാഫിക് പട്രോളിംഗിന് വിന്യസിച്ച ബഹ്‌റൈനിലെ വനിതാ പോലീസ് ഉദ്യോഗസ്ഥർ അപകട കേസുകൾ കൈകാര്യം ചെയ്യാൻ ആരംഭിച്ചതായി ട്രാഫിക് ഡയറക്ടറേറ്റ് ഡയറക്ടർ ജനറൽ ബ്രിഗേഡിയർ ഷെയ്ഖ് അബ്ദുൾറഹ്മാൻ ബിൻ അബ്ദുൽ വഹാബ് അൽ ഖലീഫ പറഞ്ഞു. ട്രാഫിക് അപകടങ്ങൾ കൈകാര്യം ചെയ്യുന്നതിനുള്ള തീവ്രമായ കോഴ്‌സ് പൂർത്തിയാക്കിയ ആദ്യ ബാച്ച് വനിതാ പോലീസ് ഉദ്യോഗസ്ഥരെ ആദരിച്ചുകൊണ്ട് സംസാരിക്കുകയായിരുന്നു അദ്ദേഹം. ബഹ്‌റൈൻ സ്ത്രീ ശാക്തീകരണത്തിന്റെ ഭാഗമായാണ് ഈ പുതിയ നടപടിയെന്ന് അദ്ദേഹം ചൂണ്ടിക്കാട്ടി. 2017ലെ അയൺ മാൻ മാരത്തോൺ ട്രാഫിക്കിന്റെ ഒഴുക്കിനായാണ് വനിതാ പോലീസ് ഉദ്യോഗസ്ഥരുടെ ആദ്യത്തെ പരീക്ഷണാത്മക വിന്യാസം നടന്നത്. 2018ൽ വീണ്ടും ബഹ്‌റൈൻ ഗ്രാൻഡ് പ്രിക്സിനായി വനിതാ പോലീസ് ഉദ്യോഗസ്ഥർ ട്രാഫിക്കിനെ നിയന്ത്രിച്ചു.