മനാമ: ബഹ്റൈനില് ഇന്ന് 847 പേര്‍ കോവിഡ് മുക്തരായി. ആരോഗ്യ മന്ത്രാലയം ഇന്ന്(മെയ് 31, 1.30pm) പുറത്തുവിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഇതോടെ രാജ്യത്ത് രോഗമുക്തി നേടിയവരുടെ എണ്ണം 6673 ആയി ഉയര്‍ന്നു.
അതേസമയം ഇന്ന് 495 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. ഇതില്‍ 341 പേര്‍ പ്രവാസി തൊഴിലാളികളാണ്. 154 പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നിരിക്കുന്നത്. നിലവില്‍ 4597 പേരാണ് രാജ്യത്ത് കോവിഡ് ബാധിച്ച് ചികിത്സയില്‍ കഴിയുന്നത്. 13 പേരുടെ ആരോഗ്യനില ഗുരുതരമാണ്.
ഇന്നലെ രാത്രി കോവിഡ് ബാധിച്ച് രണ്ട് കൂടി മരണപ്പെട്ടിരുന്നു. ബഹ്റൈനില് ഇതുവരെ 18 പേരാണ് കോവിഡ് ബാധിച്ച് മരണപ്പെട്ടിരിക്കുന്നത്. 314823 പേരെയാണ് കോവിഡ് പരിശോധനയ്ക്ക് വിധേയമാക്കിയിരിക്കുന്നത്.
