മനാമ: കോഴിക്കോട് ജില്ലയിലെ തൊട്ടിൽപാലം ഇല്ലത്ത് പോക്കറിൻ്റെ മകൻ ഇല്ലത്ത് അബ്ദുല്ല (60) ബഹ്റൈനിൽ ഹൃദയാഘാതം മൂലം നിര്യാതനായി. വയസായിരുന്നു. 30 വർഷത്തിലധികമായി മുഹറഖിലെ ഒരു സ്വദേശി വീട്ടിൽ ഡ്രൈവറായി ജോലി ചെയ്തു വരികയായിരുന്നു.
അടുത്ത ദിവസം നാട്ടിലേക്ക് പോകാൻ തയാറെടുക്കുന്നതിനിടെയായിരുന്നു അന്ത്യം. ചൊവ്വാഴ്ച പുലർച്ചെ ശാരീരിക അസ്വസ്ഥത അനുഭവപ്പെട്ടതിനെതുടർന്ന് ബന്ധുക്കളെ വിവരമറിയിക്കുകയായിരുന്നു. ഉടൻ ശൈഖ് സൽമാൻ ഹെൽത് സെൻററിൽ പ്രവേശിപ്പിക്കുകയും നില ഗുരുതരമായതിനെതുടർന്ന് ആംബുലൻസിൽ കിംഗ് ഹമദ് ഹോസ്പിറ്റലിലേക്ക് മാറ്റുകയുമായിരുന്നു.
മൃതദേഹം കിങ് ഹമദ് ഹോസ്പിറ്റൽ മോർച്ചറിയിൽ. മൃതദേഹം നാട്ടിലേക്ക് കൊണ്ടുപോകാനുളള ശ്രമങ്ങൾ കെ എം സി സി മയ്യിത്ത് പരിപാലന കമ്മിറ്റി മുഖേന നടക്കുന്നതായി സാമൂഹിക പ്രവർത്തകൻ കരീം കുളമുള്ളതിൽ അറിയിച്ചു.
മാതാവ്: ഫാത്തിമ, ഭാര്യ: നുസൈബ തൂണേരി, മക്കൾ: നുഫൈൽ, ഫിദ ഫജർ, നാഫിദ്, സഹോദരങ്ങൾ: മുനീർ, സുബൈർ (ബഹ്റൈൻ), ജമീല, സുലൈഖ.