മനാമ: എം.എം ടീം മലയാളി മനസ്സ് മൂന്നാം വാർഷികം കുടുംബ സംഗമത്തോടെ ആഘോഷിച്ചു. രണ്ടുവർഷത്തോളമായി ജോലിയില്ലാതെ ദുരിതത്തിലായ വർക്കല ഇടവ സ്വദേശി സുരേഷ് ബാബുവിനുവേണ്ടി അംഗങ്ങൾ സമാഹരിച്ച തുക വാർഷിക സമ്മേളനത്തിൽ കൈമാറി. ഇദ്ദേഹത്തിൻ്റെ യാത്രാരേഖകൾ ശരിയാക്കാനുള്ള സഹായങ്ങളും കൂട്ടായ്മ ചെയ്തു.
കോവിഡ് പ്രോട്ടോകോൾ പാലിച്ച് നടത്തിയ പരിപാടിയിൽ ടീം കൺവീനർ ആനന്ദ് അധ്യക്ഷത വഹിച്ചു. പ്രസിഡൻറ് മോഹൻദാസ്, ജനറൽ സെക്രട്ടറി അനിരുദ്ധൻ, ജോ. സെക്രട്ടറി ആൻസി റിയാസ് എന്നിവർ സംസാരിച്ചു. സുരേഷ് ബാബുവിനുള്ള ധനസഹായം ട്രഷറർ പ്രവീൺ കൈമാറി. ഷജിൽ, റിയാസ്, ഷിജിൻ മറ്റ് എക്സിക്യൂട്ടിവ് അംഗങ്ങൾ, വനിത വേദി അംഗങ്ങൾ എന്നിവർ വിവിധ പരിപാടികൾക്ക് നേതൃത്വം നൽകി.
