സൗദി ലക്ഷ്യമിട്ട് വീണ്ടും ഹൂതി വ്യോമാക്രമണ ശ്രമം; അഞ്ച് ഡ്രോണുകള്‍ അറബ് സഖ്യസേന തകർത്തു

റിയാദ്: സൗദി ലക്ഷ്യമിട്ട് വീണ്ടും യെമിനില്‍ നിന്ന് ഹൂതികളുടെ വ്യോമാക്രമണ ശ്രമം. ജനവാസ മേഖല ലക്ഷ്യമാക്കി ആക്രമണം നടത്താന്‍ ശ്രമിച്ച അഞ്ച് ഡ്രോണുകള്‍ അറബ് സഖ്യസേന തകർത്തു. സൗദിയിലെ
ഖമീസ് മുശൈത്തിലും ജിസാനിലും ആക്രമണം നടത്താനായി ഹൂതികള്‍ വിക്ഷേപിച്ച ഏഴ് ഡ്രോണുകള്‍ 24 മണിക്കൂറിനിടെ തകര്‍ത്തതായി ശനിയാഴ്‍ചയും അറബ് സഖ്യസേന അറിയിച്ചിരുന്നു. അന്താരാഷ്‍ട്ര നിയമങ്ങള്‍ പാലിച്ചുകൊണ്ടുതന്നെ ജനങ്ങളുടെ സംരക്ഷണം ഉറപ്പാക്കാനുള്ള നടപടികള്‍ കൈക്കൊള്ളുമെന്ന് അറബ് സഖ്യസേന അറിയിച്ചു. ഹൂതികൾ ആക്രമണം നടത്തുന്നത് ഇറാന്റെ പിന്തുണയോടെയാണെന്ന് ആരോപണം.