മനാമ: കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ ഇന്നലെ നടന്ന പ്രതിവാര മന്ത്രിസഭ യോഗത്തിന്റെ അദ്ധ്യക്ഷത വഹിച്ചു. രാജാവ് ഹമദ് ബിൻ ഈസ അൽ ഖലീഫയും സെർബിയൻ പ്രസിഡന്റ് അലക്സാണ്ടർ വുഷിക്കും തമ്മിൽ അടുത്തിടെ നടന്ന ഉഭയകക്ഷി ചർച്ചകളെ മന്ത്രിസഭ സ്വാഗതം ചെയ്തു.
കൊവിഡ് 19 നെ നേരിടാനുള്ള സംയുക്ത ശ്രമങ്ങൾ, മൂന്നാം ഘട്ട ക്ലിനിക്കൽ പരീക്ഷണങ്ങൾക്കുള്ള സഹകരണം എന്നിവയുൾപ്പെടെ യുഎഇ യുമായുള്ള വിശാലവും നിരന്തരവുമായ ഏകോപനം, സഹകരണം എന്നിവയെ മന്ത്രിസഭ പ്രശംസിച്ചു. അന്താരാഷ്ട്ര വാക്സിനേഷൻ ശ്രമങ്ങളെ പിന്തുണയ്ക്കുന്നതിൽ പീപ്പിൾസ് റിപ്പബ്ലിക് ഓഫ് ചൈന വഹിച്ച പങ്കിനെ മന്ത്രിസഭ അഭിനന്ദിച്ചു. രാജ്യത്തിന്റെ നിലവിലുള്ള ദേശീയ വാക്സിനേഷൻ കാമ്പെയ്ൻ കൂടുതൽ അവലോകനം ചെയ്ത്, രാജ്യത്തെ ജനങ്ങളെ പരിരക്ഷിക്കുന്നതിനായി മാർച്ചിൽ കൂടുതൽ വാക്സിനുകൾ എത്തിയതായി മന്ത്രിസഭ ചൂണ്ടിക്കാട്ടി.