മനാമ: പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന ഹാരിസ് വണ്ടാനത്തിന് ആലപ്പുഴ പ്രവാസി അസോസിയേഷൻ യാത്രയയപ്പു നൽകി. ആക്ടിങ് ജനറൽ സെക്രട്ടറി ജോർജ് അമ്പലപ്പുഴ മെമേൻറാ കൈമാറി. ജനറൽ സെക്രട്ടറി രാജേഷ് മാവേലിക്കര, വൈസ് പ്രസിഡൻറ് അജ്മൽ കായംകുളം, സെക്രട്ടറി അനീഷ് മാളികമുക്ക് എന്നിവർ പങ്കെടുത്തു.
തുടർന്ന് വിഡിയോ കോൺഫറൻസ് വഴി ചേർന്ന അനുമോദന യോഗത്തിൽ അസോസിയേഷൻ പ്രസിഡൻറ് ബംഗ്ലാവിൽ ഷെരീഫ് അധ്യക്ഷതവഹിച്ചു. ശ്രീജിത്ത് ആലപ്പുഴ, ജയലാൽ ചിങ്ങോലി, ലാലു മുതുകുളം തുടങ്ങിയവർ സംസാരിച്ചു. പ്രസിഡൻറ് ബംഗ്ലാവിൽ ഷെരീഫ് അവതരിപ്പിച്ച പ്രവർത്തന മാർഗരേഖ യോഗം അംഗീകരിച്ചു.