ബഹ്റൈനിൽ 3162 പേർക്ക് കൂടി കോവിഡ് സ്ഥിരീകരിച്ചു, 3328 പേർക്ക് രോഗമുക്തി, 1 മരണം

മനാമ: ബഹ്റൈനിൽ 3162 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ജനുവരി 22ന് 24 മണിക്കൂറിനിടെ 19,857 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി വൈറസ്ബാധ സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 26,939 ആയി.

അതേസമയം 3,328 പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 299,128 ആയി ഉയർന്നു. ഇന്നലെ രേഖപ്പെടുത്തിയ ഒരു മരണമടക്കം രാജ്യത്തെ ആകെ കോവിഡ് മരണ സംഖ്യ 1399 ആയി തുടരുകയാണ്. 8,544,661 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.

പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,212,058 പേർ ഇതുവരെ ഓരോ ഡോസും 1,190,909 പേർ രണ്ട് ഡോസും 921,669 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.