bahrainvartha-official-logo

21 പേർക്ക് എല്ലാ വിഷയങ്ങൾക്കും എ വൺ; സിബിഎസ്ഇ പത്താം ക്ലാസ് പരീക്ഷയിൽ ഇന്ത്യൻ സ്കൂളിന് തിളക്കമാർന്ന നേട്ടം

New Project - 2022-07-23T112339.219

മനാമ: സിബിഎസ് ഇ പത്താം ക്ലാസ് പരീക്ഷയിൽ 99.62 ശതമാനം വിജയത്തോടെ ഇന്ത്യൻ സ്കൂൾ മികവിന്റെ പാരമ്പര്യം തുടർന്നു. 789 വിദ്യാർഥികൾ പരീക്ഷയെഴുതിയ സ്‌കൂളിൽ 21 പേർ എല്ലാ വിഷയങ്ങൾക്കും എ വൺ കരസ്ഥമാക്കി. ഹൈഫ മുഹമ്മദ് ഷിറാസും മറിയം തോമസും 99 % (500 ൽ 495) മാർക്ക് നേടി സ്കൂളിലെ ഒന്നാം സ്ഥാനം പങ്കിട്ടു. ഇത് സ്കൂളിലെ എക്കാലത്തെയും ഉയർന്ന സ്കോറാണ്. 97.8% മാർക്ക് (489) നേടിയ റിൻസ് ലോജി രണ്ടാം സ്ഥാനവും 97.4% (500ൽ 487) നേടിയ തീർഥ ഹരീഷും സ്വാതി സുരേഷും മൂന്നാം സ്ഥാനവും പങ്കിട്ടു.

2021-22 അധ്യയന വർഷത്തിൽ കൊറോണയെ തുടർന്ന് രണ്ട് ടേമുകളിലായാണ് പരീക്ഷകൾ നടത്തിയത്. ക്ലാസുകൾ ഓൺലൈനിൽ തുടർന്നെങ്കിലും കോവിഡ് പ്രോട്ടോക്കോളുകൾ പാലിച്ച് ഓഫ് ലൈനിലാണ് പരീക്ഷകൾ നടന്നത്. ഇത്രയും വെല്ലുവിളി നിറഞ്ഞ സാഹചര്യങ്ങൾക്കിടയിലും ഇന്ത്യൻ സ്‌കൂൾ വിദ്യാർത്ഥികൾ പരീക്ഷകളിൽ പ്രശംസനീയമായ പ്രകടനമാണ് കാഴ്ചവെച്ചത്.

സ്‌കൂൾ ചെയർമാൻ പ്രിൻസ് എസ് നടരാജൻ , സെക്രട്ടറി സജി ആന്റണി , ഇ.സി അംഗം -അക്കാദമിക്‌സ് മുഹമ്മദ് ഖുർഷിദ് ആലം ,പ്രിൻസിപ്പൽ വി ആർ പളനിസ്വാമി എന്നിവർ ജേതാക്കളെ അഭിനന്ദിച്ചു.

ഫലം ഒറ്റനോട്ടത്തിൽ

• വിജയം 99.62%
• സ്കൂൾ ഏറ്റവും ഉയർന്നത് : 500 ൽ 495 (99%); ഐഎസ്ബിയിലെ എക്കാലത്തെയും ഉയർന്ന നിരക്ക്
• സോഷ്യൽ സയൻസിൽ 4 വിദ്യാർത്ഥികൾ 100 ഉം 12 വിദ്യാർത്ഥികൾ 99 ഉം നേടി.
• ഒരു വിദ്യാർത്ഥി സംസ്കൃതത്തിൽ 100 ഉം 3 വിദ്യാർത്ഥികൾ 99 ഉം നേടി.
• ഒരു വിദ്യാർത്ഥിക്ക് ഇംഗ്ലീഷിൽ 99 ലഭിച്ചു
• ഗണിതത്തിൽ 4 വിദ്യാർത്ഥികൾ 100 ഉം 11 വിദ്യാർത്ഥികൾ 99 ഉം നേടി.
• 14 വിദ്യാർത്ഥികൾ സയൻസിൽ 100 ഉം 16 വിദ്യാർത്ഥികൾ 99 ഉം നേടി.
• 2 വിദ്യാർത്ഥികൾ ഉറുദുവിൽ 96 നേടി
• ഒരു വിദ്യാർത്ഥി ഫ്രഞ്ച് ഭാഷയിൽ 100 ഉം ഒരു വിദ്യാർത്ഥി 99 ഉം നേടി.
• 3 വിദ്യാർത്ഥികൾ മലയാളത്തിൽ 100 ഉം 16 വിദ്യാർത്ഥികൾ 99 ഉം നേടി.
• ഒരു വിദ്യാർത്ഥി അറബിയിൽ 99 നേടി
• 2 വിദ്യാർത്ഥികൾ തമിഴിൽ 99 നേടി
• 2 വിദ്യാർത്ഥികൾ ഹിന്ദിയിൽ 96 നേടി
• 21 വിദ്യാർത്ഥികൾ എല്ലാ വിഷയങ്ങളിലും A1 ഗ്രേഡ് കരസ്ഥമാക്കി.
• 83 വിദ്യാർത്ഥികൾ എല്ലാ വിഷയങ്ങൾക്കും എ ഗ്രേഡ് നേടി.
• 80% വിദ്യാർത്ഥികൾ മൊത്തത്തിൽ 60% മുകളിൽ നേടി.
• 51.5% പേര് 75% ഉം അതിനുമുകളിലും നേടി.

  • 16.5% പേര് 90% ഉം അതിനുമുകളിലും നേടി
Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp

GCC News

More Posts

error: Content is protected !!