മനാമ: സി.ബി.എസ്.ഇ പത്താം ക്ലാസ് പരീക്ഷയിൽ മികച്ച വിജയം കരസ്ഥമാക്കിയ ടീൻ ഇന്ത്യ ബഹ്‌റൈൻ പ്രവർത്തകയായ ഫുസ്ഹ ദിയാനയെ ഫ്രൻഡ്സ് സോഷ്യൽ അസോസിയേഷൻ നേതാക്കൾ വീട്ടിലെത്തി അനുമോദിച്ചു. ഇന്ത്യൻ സ്കൂൾ വിദ്യാർഥിയായ ഫുസ്ഹ ദിയാന ഫ്രൻഡ്സ് വെർച്വൽ യൂനിറ്റ് സെക്രട്ടറി ജാബിറിന്റെയും ഫ്രൻഡ്സ് പ്രവർത്തക രസ്‌ല ജാബിറിന്റെയും മകളാണ്.
ജീവിതത്തിലും മികച്ച വിജയം നേടാൻ സാധിക്കട്ടെയെന്ന് പ്രസിഡന്‍റ് സഈദ് റമദാൻ നദ്‌വി ആശംസിച്ചു. ജനറൽ സെക്രട്ടറി എം. അബ്ബാസ്‌, വൈസ് പ്രസിഡന്‍റ് ജമാൽ ഇരിങ്ങൽ, കേന്ദ്ര കമ്മിറ്റി അംഗം അബ്ദുൽ ഹഖ്, വനിത വിഭാഗം പ്രസിഡന്‍റ് സക്കീന അബ്ബാസ്‌, റിഫ ഏരിയ ആക്ടിങ് പ്രസിഡന്‍റ് സലീന ജമാൽ എന്നിവരും പങ്കെടുത്തു.
