മനാമ: ബി.ഡി.കെ ബഹ്റൈൻ ചാപ്റ്റർ ഫ്രൻഡ്സ് അസോസിയേഷനുമായി ചേർന്ന് പാരന്റിങ് സെഷൻ സംഘടിപ്പിക്കുന്നു. ഒക്ടോബർ 20ന് രാത്രി ഏഴിന് സിഞ്ചിലെ ഫ്രൻഡ്സ് അസോസിയേഷൻ ഹാളിലാണ് പരിപാടി. നാട്ടിൽനിന്ന് ബഹ്റൈനിലെത്തുന്ന പ്രശസ്ത ക്ലിനിക്കൽ സൈക്കോളജിസ്റ്റും ബിഹേവേറിയൽ സൈക്കോതെറപ്പിസ്റ്റുമായ സിസ്റ്റർ ഷൈബി പങ്കെടുക്കും.
കുട്ടികൾക്ക് വിദ്യാഭ്യാസരംഗത്തും ജീവിതത്തിലും ഗുണപ്രദമാകുന്ന വിഷയത്തിൽ നടക്കുന്ന ക്ലാസിൽ പങ്കെടുക്കാൻ താൽപര്യമുള്ള രക്ഷിതാക്കൾക്ക് https://forms.gle/ui6DT4wJQpbpCNwf8 എന്ന ലിങ്കിൽ രജിസ്റ്റർ ചെയ്യാം. ആദ്യം രജിസ്റ്റർ ചെയ്യുന്ന 30 കുടുംബങ്ങൾക്കാണ് അവസരം. കുട്ടികളോടൊപ്പമാണ് രക്ഷിതാക്കൾ പങ്കെടുക്കേണ്ടത്. കുട്ടികൾക്കും രക്ഷിതാക്കൾക്കും പൊതുവായും പിന്നീട് ആവശ്യമെങ്കിൽ വ്യക്തിപരമായും സിസ്റ്റർ ഷൈബിയുമായി സംസാരിക്കുന്നതിനുള്ള അവസരമുണ്ടായിരിക്കും. കൂടുതൽ വിവരങ്ങൾക്ക് 33750999, 33015579, 39125828, 39348262, 39629338 എന്നീ നമ്പറുകളിൽ ബന്ധപ്പെടാം.