മനാമ: ബഹ്റൈൻ-കേരള നേറ്റിവ് ബാൾ ഫെഡറേഷന്റെ ആഭിമുഖ്യത്തിൽ സംഘടിപ്പിക്കുന്ന രണ്ടാമത് ഫെഡറേഷൻ കപ്പ് നാടൻ പന്തുകളിയുടെ വെള്ളിയാഴ്ച നടന്ന ആദ്യ മത്സരത്തിൽ വാകത്താനം ടീം പാമ്പാടി ടീമിനെയും രണ്ടാംമത്സരത്തിൽ ചമ്പക്കര ടീം മണർകാട് ടീമിനെയും പരാജയപ്പെടുത്തി.
മൂന്നാം മത്സരത്തിൽ വാകത്താനം ടീം വണ്ടന്മേട് ടീമിനെ തോൽപിച്ചു. കോഴിക്കോട് അസോസിയേഷൻ പ്രസിഡന്റ് ജോണി ജോസഫ് ഉദ്ഘാടനം ചെയ്തു. സെക്രട്ടറി ജ്യോതിഷ് പണിക്കർ മുഖ്യാതിഥിയായിരുന്നു. പ്രസിഡന്റ് റെജി കുരുവിള അധ്യക്ഷത വഹിച്ച ചടങ്ങിൽ റോബിൻ എബ്രഹാം സ്വാഗതവും മനോഷ് കോര നന്ദിയും പറഞ്ഞു.