മനാമ: പത്തനംതിട്ട പാർലമെന്റ് അംഗം ആന്റോ ആന്റണി കേരള കാത്തലിക്ക് അസോസിയേഷൻ (കെ.സി.എ) ആസ്ഥാനം സന്ദർശിച്ചു. 52 വർഷം പൂർത്തിയാകുന്ന കെ.സി.എയുടെ ബഹ്റെനിലെ സാംസ്കാരിക, സാമൂഹിക മണ്ഡലങ്ങളിലെ പ്രവർത്തന മികവ് അദ്ദേഹം എടുത്തു പറഞ്ഞു.
കെ.സി.എ ആക്ടിങ് പ്രസിഡന്റ് തോമസ് ജോൺ, ജനറൽ സെക്രട്ടറി വിനു ക്രിസ്റ്റി, കോർ ഗ്രൂപ് ചെയർമാൻ എബ്രഹാം ജോൺ, സ്പോൺസർഷിപ് വിങ് ചെയർമാൻ സേവി മാത്തുണ്ണി, കെ.സി.എ മുൻ പ്രസിഡന്റ് വർഗീസ് കാരക്കൽ, ഒ.ഐ.സി.സി ഗ്ലോബൽ സെക്രട്ടറി രാജു കല്ലുംപുറം, നാഷനൽ പ്രസിഡന്റ് ബിനു കുന്നന്താനം, സെൻ പോൾസ് മാർത്തോമ പാരിഷ് കമ്മിറ്റി വൈസ് പ്രസിഡന്റ് മോനി ഒടികണ്ടത്തിൽ എന്നിവർ പങ്കെടുത്തു.